ఆకాల వర్షాలకు పంటలు ఆగం.. తీవ్ర ఆందోళ‌న‌లో నిజామాబాద్ రైతులు

హైదరాబాద్:  తెలంగాణ రాష్ట్రంలో(Telangana State) గత రెండు రోజులుగా అకాల వర్షాలు(Rains) బీభత్సం సృష్టిస్తున్నాయి. కొన్ని ప్రాంతాల్లోని చేతికొచ్చిన పంటలు, కోసి ఉంచిన పంటలు వాడిపోయి, తడిసిముద్దై, తీవ్రంగా దెబ్బతిన్నాయి. పంట నష్టం కారణంగా భారీ నష్టాలను చవిచూస్తున్నామని రైతులు ఆవేదన వ్యక్తం చేస్తున్నారు. నిజామాబాద్(Nizamabad) జిల్లాలోని బాన్సువాడ, బోధన్ నియోజకవర్గాల్లో రైతులు భారీ ఎత్తున వరి కోత పనులను చేపడుతున్నారు. అయితే, రైతులు కోసిన ధాన్యాన్ని రహదారుల పక్కన, ఆరబెట్టే వేదికలపై ఆరబెడుతుండగా, అకాల వర్షాల కారణంగా ఆ ధాన్యపు నిల్వల్లో అధిక భాగం తడిసి ముద్దై, దెబ్బతిన్నట్లు రైతులు వాపోయారు. కోటగిరి, పోతంగల్, బోధన్, ఎడపల్లి, దర్పల్లి, సిరికొండ మండలాల రైతులు వర్షాల కారణంగా పంట నష్టాలు సంభవించాయని తెలిపారు.

కొనుగోలు నిమిత్తం పట్టణంలోని వ్యవసాయ మార్కెట్ యార్డుకు తమ పసుపు నిల్వలను తీసుకువచ్చిన పసుపు రైతులు తీవ్ర ఇబ్బందుల్లో ఉన్నామని, నిన్న రాత్రి కురిసిన వర్షాల కారణంగా పసుపు నిల్వలు తడిసిముద్దవడంతో భారీ నష్టాలను చవిచూశారు. నీటిలో మునిగిపోయిన పసుపు నిల్వలకు సంబంధించిన చిత్రాలు, వీడియోలు సోషల్ మీడియాలో వైరల్ అవుతున్నాయి. అటు నిర్మల్ జిల్లాలో సోమవారం రాత్రి బలమైన ఈదురు గాలులతో కురిసిన వర్షం రైతుల చేతికొచ్చిన పంటలు నాశనం చేసింది. పలు ప్రాంతాల్లో చెట్లు కూలి వాహనాలు ధ్వంసం అయ్యాయి. కుబీర్, బైంసా, కుంటాల రైతుల మండలాల్లో రైతులకు ఎక్కువ నష్టం జరిగింది.