calender_icon.png 30 November, 2025 | 8:33 PM

  • top-fb.png
  • top-tw.png
  • top-insta.png
  • top-yt.png

నంగునూరు మండలంలో తొలి రోజు 36 నామినేషన్లు

30-11-2025 08:12:55 PM

నంగునూరు: రెండో విడత గ్రామ పంచాయతీ ఎన్నికలకు సంబంధించి నంగునూరు మండలంలో నామినేషన్ల పర్వం ఆదివారం ప్రారంభమైంది. తొలి రోజే మొత్తం 36 సర్పంచ్ స్థానాలు, 31 వార్డు సభ్యులకు నామినేషన్లు దాఖలయ్యాయి. సోమ, మంగళవారాల్లో నామినేషన్ల సంఖ్య మరింత పెరిగే అవకాశం ఉందని అధికారులు అంచనా వేస్తున్నారు. మండల కేంద్రమైన నంగనూర్ గ్రామ పంచాయతీలో అత్యధికంగా సర్పంచ్ 4 నామినేషన్లు, వార్డు సభ్యుల స్థానాలకు–12, రాంపూర్ సర్పంచ్–4, వార్డు సభ్యులకు –4, గట్లమల్యాల సర్పంచ్‌కు–3, వార్డు సభ్యులకు–1, నర్మెట్ట సర్పంచ్–3 వార్డు సభ్యులకు–3, సిద్దన్నపేట్ సర్పంచ్–3, పాలమాకుల సర్పంచ్‌కు–2, వార్డు సభ్యులకు–1, అప్పలాయిచెరువు, ఖానాపూర్, కొండంరాజ్‌పల్లి, ముంద్రాయి, రాజ్‌గోపాల్‌పేట్ గ్రామాల్లో సర్పంచ్ పదవికి చెరో 2 నామినేషన్లు దాఖలయ్యాయి. అక్కెనపల్లి–4, అంకుశాపూర్, బద్దిపద్గ, మక్దూంపూర్ గ్రామాల్లో వార్డులకు తలొ 2 నామినేషన్లు దాఖలయ్యాయి. తొలి రోజు నామినేషన్ల కేంద్రాల వద్ద అభ్యర్థులు, వారి మద్దతుదారుల సందడి నెలకొంది. ఎన్నికల ప్రక్రియ ప్రశాంతంగా సాగేందుకు అధికారులు పటిష్ట ఏర్పాట్లు చేశారు.