హలో జర్నలిస్ట్ చలో హైదరాబాద్ విజయవంతం చేయాలి..

-టియుడబ్ల్యుజే(ఐజేయు) జాతీయ కౌన్సిల్ సభ్యులు చలసాని శ్రీనివాసరావు..

-సూర్యాపేట జిల్లా అధ్యక్షుడు కోలా నాగేశ్వరరావు..

హుజూర్ నగర్: ప్రభుత్వానికి, ప్రజలకు మధ్య వారధిగా ఉంటూ ప్రజాసమస్యల పరిష్కారానికి కృషి చేస్తున్న జర్నలిస్టుల సమస్యలను ప్రజా ప్రభుత్వం వెంటనే పరిష్కరించాలని తెలంగాణ వర్కింగ్ జర్నలిస్ట్ యూనియన్ (ఐజేయు) జాతీయ కౌన్సిల్ సభ్యులు చలసాని శ్రీనివాసరావు, సూర్యాపేట జిల్లా అధ్యక్షుడు కోలా నాగేశ్వరరావు అన్నారు. ఆదివారం పట్టణంలో ఏర్పాటు చేసిన యూనియన్ సమావేశంలో వారు మాట్లాడుతూ... జర్నలిస్లుల సమస్యలు దీర్ఘకాలికంగా పెండింగ్ లో ఉన్నాయని, చాలీచాలని వేతనాలతో జీవితాలను అనుభవిస్తున్న జర్నలిస్టులను ప్రజా ప్రభుత్వం ఆదుకోవాలని కోరారు. అనేక ఉద్యమాల్లో పాత్రికేయుల పాత్ర మరువలేనిదన్నారు.

గత పదేండ్లుగా వివిధ కారణాలతో దాదాపు 500 మందికి పైగా జర్నలిస్టులు మరణించారన్నారు. ప్రభుత్వాలు మారుతున్నా జర్నలిస్టులకు ఇండ్లస్థలాలు మాత్రం అందడం లేదన్నారు. వెంటనే జర్నలిస్టులకు ఇండ్లస్థలాలు వచ్చేలా చర్యలు తీసుకోవాలని కోరారు. ప్రతి రెండేండ్లకోసారి ఇవ్వాల్సిన అక్రిడేషన్లు 5 నెలలు గడుస్తున్నా ఇప్పటికీ ఇవ్వలేదని, అర్హులైన జర్నలిస్టులందరికీ అక్రిడేషన్ కార్డులు వెంటనే మంజూరు చేయాలని కోరారు. డిసెంబర్ 3న జరగబోయే హలో జర్నలిస్ట్ చలో హైదరాబాద్ కార్యక్రమంలో ప్రింట్, ఎలక్ట్రానిక్ మీడియా జర్నలిస్టులు హాజరు కావాలని పిలుపునిచ్చారు. ఈ కార్యక్రమంలో హుజూర్ నగర్ ప్రెస్ క్లబ్ అధ్యక్షుడు పిల్లలమర్రి శ్రీనివాసరావు, బసవోజు శ్రీనివాసాచారి, రాంప్రసాద్, రావుల రాజు, కొమరరాజు అంజయ్య, మీరా తదితరులు పాల్గొన్నారు.