హైదరాబాద్: తెలంగాణలో నేటితో మొదటి విడత గ్రామ పంచాయతీ ఎన్నికలకు(Telangana Gram Panchayat Elections) నామినేషన్ల స్వీకరణ ముగుస్తోంది. డిసెంబర్ 3న నామినేషన్ల ఉపసంహరణ గడువు ముగియనుంది. డిసెంబర్ 11న మధ్యాహ్నం ఒంటిగంట వరకు తొలి విడత పోలింగ్ జరగనుంది. మధ్యాహ్నం తర్వాత ఓట్లు లెక్కించి ఫలితాలు వెల్లడిస్తారు. రెండో విడత పంచాయతీ ఎన్నికల ప్రక్రియ రేపటి నుంచి ప్రారంభం కానుంది.

డిసెంబర్ 2 వరకు నామినేషన్లు స్వీకరించనున్నారు. డిసెంబర్ 6న నామినేషన్ల ఉపసంహరణ గడువు ముగుస్తోంది. డిసెంబర్ 14న మధ్యాహ్నం ఒంటిగంట వరకు పోలింగ్ నిర్వహిస్తారు. అనంతరం ఓట్లు లెక్కించి ఫలితాలు వెల్లడిస్తారు. చాలా చోట్ల సర్పంచ్‌ను ఏకగ్రీవంగా చేసేందుకు ప్రయత్నాలు జరుగగా, సర్పంచ్ ఎన్నికలకు రెండవ రోజు 4,901 నామినేషన్లు అందగా, వార్డు కార్యాలయాల్లో 9,643 నామినేషన్లు అందాయి. గత రెండు రోజుల్లో 4,236 సర్పంచ్ పదవులకు 8,198 నామినేషన్లు, 37,440 వార్డు కార్యాలయాలకు 11,502 నామినేషన్లు వచ్చినట్లు అధికారులు పేర్కొన్నారు.