హైదరాబాద్: నేషనల్ ఎగ్ కో-ఆర్డినేషన్ కమిటీ వ్యవస్థాపకుడు, శ్రీనివాస ఫార్మ్స్ గ్రూప్ ఛైర్మన్ చిట్టూరి జగపతి రావు(Chitturi Jagapathi Rao) కన్నుమూశారు. ఆయన వయసు 92 సంవత్సరాలు. జూబ్లీహిల్స్ లోని స్వగృహంలో ఫౌల్ట్రీ పరిశ్రమ దిగ్గజం జగపతిరావు తుదిశ్వాస విడిచారు. మహాప్రస్థానంలో శనివారం సాయంత్రం 4 గంటలకు చిట్టూరి జగపతిరావు అంత్యక్రియలు నిర్వహించనున్నట్లు కుటుంబసభ్యులు వెల్లడించారు. జగపతిరావు మృతి పట్ల పలువురు ప్రముఖులు సంతాపం తెలిపారు. చిట్టూరి జగపతి రావు 2023లో ఇంటర్నేషనల్ ఎగ్ పర్సన్ ఆఫ్ ది ఇయర్ అవార్డును సొంతం చేసుకున్నారు. ఈ అవార్డును దక్కించుకున్న తొలి ఆసియా వ్యక్తిగా రికార్డు నమోదు చేశారు. పౌల్ట్రీ పరిశ్రమ అభివృద్ధికి కృషి చేసినందుకు జగపతి రావుకు  ఈ ఘనత లభించింది.