మూలవేతనంపై 5% ఐఆర్

సొసైటీలు, వర్సిటీలు, ప్రభుత్వ రంగ సంస్థల ఉద్యోగులకు తీపి కబురు

హైదరాబాద్, నవంబర్ 29 (విజయక్రాంతి): ప్రభుత్వ రంగ సంస్థలు, కో సొసైటీల్లో పని చేస్తున్నట్లు రెగ్యులర్ ఉద్యోగులు, యూనివర్సిటీల్లోని బోధనేతర సిబ్బంది, పెన్షనర్లకు ప్రభు త్వం తీపి కబురు చెప్పింది. మూలవేతనంపై 5శాతం మధ్యంతర భృతి(ఐఆర్) మంజూరు చేస్తున్నట్లు ప్రకటించింది.

ఈ మేరకు శుక్రవారం ఆర్థిక శాఖ ముఖ్య కార్యదర్శి రామకృష్ణరావు ఉత్తర్వులు జారీచేశారు. పే స్కేల్ నిబంధనల ప్రకారం.. ఐఆర్‌ను  చెల్లించనున్నట్లు ప్రభుత్వం వెల్లడించింది. ఐఆర్ చెల్లించే విషయంపై సంబంధింత పరిపాలన విభాగాల అధిపతులు అవసరమైన చర్యలు తీసుకోవాలని ఆదేశించింది.