‘బోథ్’లో ఫ్లెక్సీ రాజకీయం

సీఎం ఫ్లెక్సీని చింపించారని  బీఆర్‌ఎస్ ఎమ్మెల్యేపై  కాంగ్రెస్ నేతల ధ్వజం

ఆదిలాబాద్, నవంబర్ 8 (విజయక్రాంతి): బోథ్ నియోజకవర్గంలో బీఆర్‌ఎస్, కాంగ్రెస్ పార్టీ నేతల మధ్య ఫ్లెక్సీ వివాదం నెలకొంది. సీఎం రేవంత్ రెడ్డి పుట్టినరోజు సందర్భంగా బోథ్ మండల కేంద్రంలో కాంగ్రెస్ పార్టీ నాయకులు ఏర్పాటు చేసిన భారీ ఫ్లెక్సీని గుర్తుతెలియని వ్యక్తులు చించివేశారు. అయితే సీఎం ఫ్లెక్సీని బీఆర్‌ఎస్ పార్టీ కార్యకర్తలతో ఎమ్మెల్యే అనిల్ జాదవ్ దగ్గరుండి చించివేయించారని.. ఫొటోలను కాంగ్రెస్ శ్రేణులు సోషల్ మీడియాలో వైరల్ చేశారు. దీంతో మండల కేంద్రంలో ఇరుపార్టీల నేతల మధ్య వాగ్వాదం చోటుచేసుకుంది. ఒకరిపై ఒకరు బాహాబాహీకి దిగారు. పోలీసులు రంగప్రవేశం చేసి ఇరుపార్టీల నేతలను శాంతింపజేశారు.