పాటల పల్లకిలో గర్ల్‌ఫ్రెండ్

రష్మిక మందన్న, దీక్షిత్ శెట్టి జంటగా నటిస్తున్న సినిమా ‘ది గర్ల్ ఫ్రెండ్’. దర్శకుడు రాహుల్ రవీంద్రన్ ఓ అందమైన ప్రేమకథతో తెరకెక్కిస్తున్నారు. ఈ సినిమాను అల్లు అరవింద్ సమర్పణలో గీతా ఆర్ట్స్, ధీరజ్ మొగిలినేని ఎంటర్‌టైన్‌మెంట్స్ సంయుక్తంగా నిర్మిస్తున్నాయి. ధీరజ్ మొగిలినేని, విద్య కొప్పినీడి నిర్మాతలుగా వ్యవహిస్తున్నారు.

సినిమా రిలీజ్ డేట్ ను మేకర్స్  త్వరలోనే అనౌన్స్ చేయబోతున్నారు. ఈ నేపథ్యంలోనే పాటలతో ప్రమోషన్స్‌లో జోరు పెంచనున్నారు. ఇందులో భాగంగా తాజాగా ఈ సినిమా నుంచి ‘నదివే..’ లిరికల్ సాంగ్ అప్డేట్ ఇచ్చారు మేకర్స్. ఈ పాటను ఈ నెల 16న రిలీజ్ చేయబోతున్నట్లు ప్రకటించారు. ప్రస్తుతం చిత్రీకరణ తుది దశలో ఉన్న ఈ చిత్రానికి సినిమాటోగ్రఫీ: కృష్ణన్ వసంత్; సంగీతం: హేషమ్ అబ్దుల్ వాహబ్.