మునగాల: సూర్యాపేట జిల్లా(Suryapet District) మునగాల మండల పరిధిలోని ఆకుపాముల గ్రామంలో శ్రీ గంగమ్మ తల్లి జాతరను యాదవులు ఘనంగా నిర్వహించుకున్నారు. గ్రామ పెద్ద గొల్ల మాజీ సర్పంచ్ లిక్కి రామరాజు యాదవ్, లిక్కి కృష్ణంరాజు యాదవ్ ఆధ్వర్యంలో రెండు రోజుల నుంచి జరుగుతున్న కార్యక్రమంలో భాగంగా సోమవారం ఉదయం మహిళలు పెద్ద ఎత్తున బోనాలు నెత్తిన పెట్టుకొని గంపలతో అమ్మవారికి ఊరేగింపు నిర్వహించి అమ్మవారికి బోనాలు చెల్లించారు. అనంతరం ప్రత్యేక పూజలు నిర్వహించారు. ఈ కార్యక్రమంలో మాజీ ఎంపిటిసి మెంబర్ చింతల శ్రీనివాస్, పోతరాజు రాజుల వీరబాబు, గ్రీన్ ఫార్మసిటీ లిక్కి నాగేశ్వరరావు, రాజుల అంజయ్య, లిక్కిరాజు బొలిగోర్ల మట్టయ్య, రాజుల లక్ష్మీనారాయణ, రమేష్ బాబు, పోలంపల్లి వీరయ్య, జిల్లా వెంకటేశ్వర్లు పాల్గొన్నారు.