తెలంగాణలో బయో-గ్యాస్ (సిబిజి) ప్రాజెక్టుకు శంకుస్థాపన

తెలంగాణ | ఏప్రిల్  2026: భారతదేశంలో అభివృద్ధి చెందుతున్న బయో-ఇంధన రంగంలో ప్రముఖ సంస్థ అయిన జూనో జౌల్ బయో ఫ్యూయల్స్ ప్రైవేట్ లిమిటెడ్, తెలంగాణలోని సిద్దిపేట జిల్లాలో ఉన్న నార్మెట్ట పారిశ్రామిక ప్రాంతంలో తమ ప్రతిష్టాత్మక కంప్రెస్డ్ బయో-గ్యాస్ (సిబిజి) ప్రాజెక్టుకు శంకుస్థాపన చేసింది. పర్యావరణ అనుకూల వ్యర్థాల నుండి శక్తిని ఉత్పత్తి చేసే పరిష్కారాలను అభివృద్ధి చేయడంలో , భారతదేశపు స్వచ్ఛ ఇంధన పర్యావరణ వ్యవస్థను బలోపేతం చేయడంలో  ఈ ప్రాజెక్ట్ ఒక ముఖ్యమైన ముందడుగుగా నిలుస్తుంది. ఈ కార్యక్రమం, ఒక పెద్ద క్లస్టర్ అభివృద్ధిలో భాగం. ఈ క్లస్టర్ లో రోజుకు 10 టన్నుల (టిపిడి) సామర్థ్యం గల 10 సిబిజి ప్లాంట్లు ఉంటాయి, వీటి మొత్తం ఉత్పత్తి సామర్థ్యం 100 టిపిడి గా ఉండనుంది.

దీనికోసం మొత్తం 700 కోట్ల రూపాయల పెట్టుబడిని ప్రణాళిక చేశారు. నార్మెట్టలో ప్రారంభించబడనున్న మొదటి దశలో, 210 కోట్ల రూపాయల పెట్టుబడితో మూడు సిబిజి యూనిట్లు (ఒక్కొక్కటి 10 టిపిడి సామర్థ్యం)  అభివృద్ధి చేయనున్నారు. రాష్ట్రంలో విస్తరించగల బయో-ఎనర్జీ ఉత్పత్తికి ఇది ఒక కీలక కేంద్రంగా నిలుస్తుందని భావిస్తున్నారు. ఈ ప్రాజెక్టును మూడు దశల్లో పూర్తి చేస్తారు - మొదటి దశ (3 ప్లాంట్లు), రెండవ దశ (3 ప్లాంట్లు), మరియు మూడవ దశ (4 ప్లాంట్లు). ఈ మొత్తం క్లస్టర్ 2029–2030 నాటికి పూర్తి అవుతుందని అంచనా. ఇది వలయాకార మరియు తక్కువ-కార్బన్ ఇంధన వ్యవస్థల వైపు భారతదేశం మారడానికి తోడ్పడుతుంది.

ఈ ప్రాజెక్ట్ శంకుస్థాపన కార్యక్రమానికి తెలంగాణ ప్రభుత్వ ఐటీ మంత్రి దుద్దిళ్ల శ్రీధర్ బాబు,  పార్లమెంట్ (రాజ్యసభ) సభ్యులు, సైన్స్ & టెక్నాలజీ, పర్యావరణం, అటవీ మరియు వాతావరణ మార్పులపై పార్లమెంటరీ స్టాండింగ్ కమిటీ ఛైర్మన్ భువనేశ్వర్ కాలిత మరియు ఇతర ప్రముఖులు హాజరయ్యారు.ఈ ప్రాజెక్ట్‌ను భారత ప్రభుత్వ సిబిజి-సీజీడీ సమకాలీకరణ పథకం కింద పూర్తి చేయనున్నారు. ఈ పథకం యొక్క లక్ష్యం కంప్రెస్డ్ బయో-గ్యాస్‌ను సిటీ గ్యాస్ డిస్ట్రిబ్యూషన్ (సీజీడీ) నెట్‌వర్క్‌లో అనుసంధానించడం. దేశీయంగా ఉత్పత్తి చేయబడిన, పునరుత్పాదక గ్యాస్‌ను ఇప్పటికే ఉన్న మౌలిక సదుపాయాలలోకి సరఫరా చేయడం ద్వారా, ఈ కార్యక్రమం ఆత్మనిర్భర్ భారత్ మరియు గోబర్ధన్ వంటి కార్యక్రమాల కింద జాతీయ ప్రాధాన్యతలకు అనుగుణంగా ఉంది. ఇది దిగుమతులపై ఆధారపడటాన్ని తగ్గించడంతో పాటు దీర్ఘకాలిక ఇంధన భద్రతను బలోపేతం చేస్తుంది.