దేవరకొండ,(విజయక్రాంతి): కొండమల్లేపల్లి మండల పరిధిలో పెండ్లిపాకల గ్రామంలో గల శ్రీ ఆంజనేయ స్వామి దేవాలయంలో ఆలయ ప్రధాన అర్చకుడు గణేష్ శర్మ ఆధ్వర్యంలో మద్దిమడుగు పీఠాధిపతి శ్రీ కేతావత్ జయరాం గురుస్వా పర్యవేక్షణలో ఆధ్వర్యంలో నవగ్రహపూజ, ఆంజనేయ స్వామి వారికి అభిషేకం, శ్రీ హనుమాన్ గాయత్రీ హోమం, మహా పడిపూజ కార్యక్రమాలు అంగరంగ వైభవంగా నిర్వహించారు.

ఈ కార్యక్రమానికి ముఖ్య అతిథులుగా ఎస్సీ ఎస్టీ కమిషన్ మెంబర్ నేనావత్ రాంబాబు నాయక్, బిఆర్ఎస్ పార్టీ రాష్ట్ర నాయకులు వడ్త్య రమేష్ నాయక్, మాజీ ఎంపీపీ మేకల శ్రీనివాస్ యాదవ్ లు పాల్గొని ఆంజనేయ స్వామి వారి పూజా కార్యక్రమాలను తిలకించారు.ఈ సందర్భంగా వారు మాట్లాడుతూ దైవచింతలతో మానసిక ప్రశాంతత కలుగుతుందని,శ్రీ ఆంజనేయ స్వామి ఆశీస్సులు అందరిపై ఉండాలని ఆకాంక్షించినట్లు తెలిపారు.