నోయిడా: హర్యానా స్టీలర్స్ 42-30 తేడాతో తమిళ్ తలైవాస్ మీద ఘన విజయం సాధించింది. హర్యానాలో వినయ్ 9 పాయింట్లు సాధించాడు. తమిళ స్టార్ రెయిడర్ సచిన్ పాయింట్ల ఖాతాను తెరవలేకపోయాడు. డిఫెండర్ షఫాఘీ 11 పాయింట్లతో పోరాడినా కానీ తమిళ జట్టు కు ఓటమి తప్పలేదు. ఈ మ్యాచ్‌లో తమిళ రెయిడర్లు దారుణంగా విఫలమయ్యారు.

సబ్‌స్టిట్యూట్‌గా వచ్చిన చంద్రన్ రంజిత్ (4) రెయిడింగ్‌లో పర్వాలేదనిపించాడు. తొలి నుంచే ఆధిపత్యం కనబర్చిన హర్యా నా చివరికి మ్యాచ్‌ను సొంతం చేసుకుంది. పునేరి పల్టన్ 34-33 తేడాతో గుజరాత్ జెయింట్స్‌పై విజయ ఢంకా మోగించింది. మొదటి నుంచి నువ్వా-నేనా అన్నట్లు సాగిన మ్యాచ్‌లో చివరికి ఒక్క పాయింట్‌తో గెలిచి పునేరి ఊపిరిపీల్చుకుంది.

పునేరిలో రెయిడర్ ఆకాశ్ షిండే (12) సూపర్ టెన్‌తో మెరిశాడు. గుజరాత్ ఫస్ట్ హాఫ్‌లో సమర్పించుకున్న అదనపు పాయింట్ జట్టు ఓటమికి కారణం అయింది. నేడు పట్నా పైరేట్స్‌తో బెంగళూరు బుల్స్, జైపూర్ పింక్ పాంథర్స్‌తో తెలుగు టైటాన్స్ తలపడనున్నాయి.