హీరో శ్రీవిష్ణు ప్రముఖ నిర్మాణ సంస్థ గీతా ఆర్ట్స్ బ్యానర్‌లో ‘సింగిల్’తో అలరించబోతున్నారు. ఈ చిత్రంలో కేతికశర్మ, ఇవానా కథానాయికలుగా నటించగా, వెన్నెల కిషోర్ కీలక పాత్ర పోషించారు. కార్తీక్ రాజు దర్శకత్వం వహిస్తున్న ఈ సినిమా అల్లు అరవింద్ సమర్పణలో రూపొందింది. కళ్యా ఫిల్మ్స్‌తో కలిసి ఈ చిత్రాన్ని విద్యా కొప్పినీడి, భాను ప్రతాప, రియాజ్ చౌదరి నిర్మిస్తున్నారు. ఇప్పటికే విడుదలైన టీజర్ ట్రైలర్ పాటలు సినిమాపై హ్యుజ్ బజ్ క్రియేట్ చేశాయి. కాగా ఈ సినిమా మే 9న థియేటర్లలోకి రానుంది. ఈ సందర్భంగా హీరోయిన్ ఇవానా విలేకరుల సమావేశంలో చిత్ర విశేషాలను పంచుకుంది. 

ఈ ప్రాజెక్టులోకి ఎలా వచ్చారు?

-డైరెక్టర్ కార్తీక్ చెప్పిన కథ చాలా నచ్చింది. శ్రీవిష్ణు, వెన్నెల కిషోర్, కేతిక ఇలా.. ఇందులో చాలా అద్భుతమైన నటులున్నారు. గీతా ఆర్ట్స్ లాంటి గొప్ప సంస్థ నిర్మిస్తోంది. నేను తెలుగులోకి రావడానికి ఇదే మంచి తరుణం అనిపించి, ఓకే చేశాను. 

ఈ సినిమాలో మీ క్యారెక్టర్ ఎలా ఉంటుంది?

-ఇందులో హరిణి అనే పాత్రలో కనిపిస్తా. నాది చాలా జోవియల్ అండ్ ప్లజెంట్ క్యారెక్టర్. హరిణి డ్యాన్సర్. తన క్యారెక్టర్‌లో చాలా ఎమోషన్ ఉంటుంది. ఫ్యామిలీ అటాచ్‌మెంట్ ఉంటుంది. తాను ఎవరినైనా ఇష్టపడితే వాళ్లకోసం ఏదైనా చేయడానికి సిద్ధపడుతుంది. ఈ పాత్రలో నటించడం చాలా ఎంజాయ్ చేశాను.

అలాగే -ఈ సినిమా కోసం తెలుగు నేర్చుకోవడానికి చాలా ప్రయత్నించాను. నా సహ నటులు చాలా హెల్ప్ చేశారు. నేను సెట్స్‌లో తెలుగులో మాట్లాడడానికి ప్రయత్నించేదాన్ని. తెలుగు బ్యూటిఫుల్ లాంగ్వేజ్. -శ్రీవిష్ణు తెలుగు చాలా స్పీడ్‌గా మాట్లాడుతారు. ఆయన మాట్లాడుతున్నప్పుడు మొదట్లో నాకు అర్థమయ్యేది కాదు. తర్వాత మెల్లమెల్లగా అలవాటు పడ్డాను. ఆయన చాలా సపోర్ట్ చేశారు.

ఎలాంటి సినిమా ఇది?

-ఇది చాలా ఫన్ మూవీ, ఫ్యామిలీ అందరితో కలిసి థియేటర్లలో చాలా ఎంజాయ్ చేయొచ్చు. లాఫ్ రైడ్‌లా ఉంటుంది. ఇది నా ఫస్ట్ తెలుగు సినిమా. కచ్చితంగా చాలా మంచి స్టార్ట్ అవుతుందని భావిస్తున్నాను. ఈ సినిమా నా కెరియర్‌లో చాలా స్పెషల్ ప్లేస్ ఉంటుంది. నాకు డాన్స్ అంటే చాలా ఇష్టం. నా క్యారెక్టర్ డ్యాన్సర్ అని తెలిసినప్పుడు చాలా ఆనందం అనిపించింది. -ఇది అందరికీ కనెక్ట్ అయ్యే సబ్జెక్టు. ఈ సినిమాలో నా క్యారెక్టర్ గురించి విన్న వెంటనే నాకు చాలా ఎక్సైటింగ్ అనిపించింది. ఆ ఎక్సైట్‌మెంట్ ప్రేక్షకుల్లోనూ ఉంటుందని నా నమ్మకం.

మీరు ప్రెస్‌మీట్‌కు వచ్చినప్పుడు అందరూ బుజ్జి కన్నా అని పిలవడం ఎలా అనిపించింది?

-చాలా ఆనందంగా అనిపించింది. అది ‘లవ్‌టుడే’ సినిమాలో నా క్యారెక్టర్. ఆ క్యారెక్టర్ పేరుతో ఆడియన్స్ నన్ను పిలవడం చాలా ఆనందాన్నిచ్చింది. ఒక క్యారెక్టర్ పేరును గుర్తుపెట్టుకుని పిలవడం కంటే ఒక నటికి అంతకంటే ఆనందం మరొకటి ఉండదు. అలా పిలిచిన ప్రతిసారి నేను చాలా ఎంజాయ్ చేస్తాను.

శ్రీవిష్ణుతో పనిచేయడం ఎలా అనిపించింది? 

-శ్రీవిష్ణు చాలా కూల్ పర్సన్. ఆయన చాలా సైలెంట్‌గా ఉంటారు. కాస్త ఇంట్రో వర్ట్  అనిపిస్తారు. కానీ కిషోర్‌తో కలిసినప్పుడు మాత్రం చాలా హిలేరియస్‌గా ఉంటారు. శ్రీవిష్ణు నాకు డైలాగ్స్ రాసి ఇవ్వడం వెరీ మెమరీబల్ ఎక్స్‌పీరియన్స్. అలాగే కేతికశర్మతో కూడా వర్క్ చేయడం వెరీ ఫన్ ఎక్స్‌పీరియన్స్.

గీతా ఆర్ట్స్‌లో వర్క్ చేయడం ఎలా అనిపించింది?

-గీతా ఆర్ట్స్ వెరీ పాపులర్ బిగ్ ప్రొడక్షన్ కంపెనీ. అలాంటి ఒక ప్రతిష్టాత్మకమైన సంస్థలో నా తొలి తెలుగు సినిమా కావడం చాలా ఆనందాన్నిచ్చింది.

డైరెక్టర్ కార్తీక్ గురించి చెప్పండి.. 

-కార్తీక్ తమిళ్ పర్సన్. ఆయనతో నేను తమిళ్‌నే మాట్లాడేదాన్ని. చాలా కంఫర్టబుల్‌గా ఉండేది. ఆయన చాలా క్లియర్ విజన్ ఉన్న డైరెక్టర్. ఆయనతో కలిసి పనిచేయడం నిజంగా అద్భుతంగా అనిపించింది. 

సినిమా మ్యూజిక్ గురించి?

-సినిమాలో చాలా బ్యూటిఫుల్ సాంగ్స్ ఉన్నాయి. ఇప్పటికే రిలీజైన రెండు పాటలు చాలా మంచి రెస్పాన్స్ తెచ్చుకున్నాయి. మిగిలిన పాటలు కూడా చాలా బ్యూటిఫుల్‌గా ఉండబోతున్నాయి. మ్యూజిక్‌కు ఈ సినిమాలో చాలా స్పెషల్ ప్లేస్ ఉంది. 

ఈ సినిమాలో మీ క్యారెక్టర్‌కు మీ రియల్ లైఫ్‌కు ఎలాంటి సిమిలారిటీస్ ఉన్నాయి?

-హరిణి డ్యాన్సర్. నాకు కూడా డ్యాన్స్ అంటే చాలా ఇష్టం. ఈ సినిమాలో తన క్యారెక్టర్ డ్యాన్స్ అని తెలిసిన తర్వాత మళ్లీ డ్యాన్స్ క్లాసెస్‌కి వెళ్లి ప్రాక్టీస్ చేశాను. నేను భరతనాట్యం నేర్చుకున్నా.

మీకు డ్రీమ్ రోల్, జోనర్ ఏమైనా ఉందా?

-ప్రత్యేకంగా ఏమీ లేదు. నేను చెల్లిగా, ప్రియురాలిగా ఇలాంటి పాత్రలు చేశాను. రాబోయే సినిమాల్లో కూడా జీవితానికి సంబంధించి పాత్రలు, రియల్ లైఫ్‌కి రిలేటబుల్‌గా ఉండే క్యారెక్టర్స్ చేయాలని ఉంది.

మీరు చైల్డ్ ఆర్టిస్ట్‌గా కెరీర్ స్టార్ట్ చేశారు కదా..?! 

-అవును, అయితే సినిమాలను సీరియస్‌గా తీసుకున్నది మాత్రం ‘లవ్‌టుడే’ తర్వాతే. చదువు ముందుగా పూర్తి చేయాలనేది నా ఉద్దేశం. ఇప్పుడు కూడా మాస్టర్స్ చేస్తున్నా. 

మీ నెక్స్ ప్రాజెక్ట్స్ ఏమిటి? 

-తమిళ్‌తో పాటు తెలుగులో సినిమాలు చేస్తున్నాను.