జనులారా వినరారా..

విష్ణు మంచు డ్రీమ్ ప్రాజెక్ట్ ‘కన్నప్ప’. ఈ సినిమా జూన్ 28న విడుదల కానుంది. ఇటీవలే యూఎస్‌లో ఈ మూవీ ప్రమోషన్స్‌ను ముగించుకొని తిరిగి వచ్చారు హీరో మంచు విష్ణు.

తాజాగా ఈ సినిమా కోసం మోహన్‌బాబు మనవరాళ్లు, మంచు విష్ణు కూతుళ్లు అరియానా, వివియానా పాడిన ‘శ్రీకాళహస్తి’ పాటను విడుదల చేశారు. ఈ ప్రత్యేకమైన గీతాన్ని కాశీ విశ్వనాథుని ఆలయంలో ఆవిష్కరించగా నిర్మాత మోహన్‌బాబు, దర్శకుడు ముఖేశ్ కుమార్ సింగ్, రచయితలు తోట ప్రసాద్, ఆకుల శివ, అర్పిత్ రాంకా పాల్గొన్నారు.

‘జనులారా వినరారా శ్రీకాళహస్తి గాథ’ అంటూ సాగుతోందీ పాట. రాబోయే తరాలకు ‘శ్రీకాళహస్తి’ ఆలయ విశిష్టతకు చిహ్నంగా ఉంటుందీ గీతం. అందమైన ప్రదేశాల్లో చిత్రీకరించిన ఈ లిరికల్ వీడియోలో అరియానా, వివియానా కనిపించి, తమ నృత్యంతో ఆకట్టుకున్నారు.ఈ పాటకు సుద్దాల అశోక్ తేజ సాహిత్యం అందించగా, స్టీఫెన్ దేవస్సీ స్వరాలు సమకూర్చారు.