రేగోడు: ఆయిల్ ఫామ్ పంటలతో అధిక ఆదాయం పొందవచ్చు అని  ఏవో రాంప్రసాద్ అన్నారు. శనివారం మండలంలోని జగిర్యాల గ్రామంలోనీ ఆయిల్ పంట తోటను ఆయన పరిశీలించారు. ఈ సందర్భంగా ఆయన మాట్లాడుతూ నీటి సౌకర్యం ఉన్న రైతులు పత్తి, వరితోపాటు, ఆయిల్ ఫామ్ పంటలను సాగు చేసుకోవాలని సూచించారు.

ఎలాంటి మధ్య వర్తిత్వo లేకుండా కంపెనీ ప్రతినిధులు ఆయిల్ ఫామ్ గెలలను కొనుగోలు చేస్తారని తెలిపారు. ఎకరాకు 57 మొక్కలు నాటుకోవచ్చని ప్రభుత్వం ఒక్క మొక్కకు ఇరవై రూపాయలకు అందిస్తుందని తెలిపారు, ఎస్సీ ఎస్టీ రైతులకు  100% సబ్సిడీ, బీసీలకు90 శాతం మిగతా వారికి 80%  శాతం రాయితీ లభిస్తుందని అన్నారు, ఈకార్యక్రమంలో ఏఈఓ మహేష్, లీవ్ ఫామ్ కంపెనీ అసిస్టెంట్ మేనేజర్ జాన్సన్, రైతులు పాల్గొన్నారు.