హైదరాబాద్: మ్యాన్ హోల్ తెరిచిన ఘటనపై హైడ్రా కమిషనర్ ఎ వి రంగనాథ్(Hydra Commissioner Ranganath) శుక్రవారం స్పందించారు. యాకుత్‌పురాలోని రెయిన్ బజార్‌లో ఐదేళ్ల బాలిక తెరిచి ఉన్న మ్యాన్‌హోల్‌లో పడిపోయిన ఒక రోజు తర్వాత, హైదరాబాద్ విపత్తు ప్రతిస్పందన మరియు ఆస్తి రక్షణ సంస్థ (హైద్రా) ఈ సంఘటనపై దర్యాప్తు చేసి, తెరిచి ఉన్న మ్యాన్‌హోల్ హైడ్రా తప్పిదమని నిర్ధారించింది. శుక్రవారం ఉదయం మ్యాన్‌హోల్ సమస్య మూసివేయకపోవడంపై హైడ్రా ప్రాథమిక విచారణ నిర్వహించిందని రంగనాథ్ వెల్లడించారు. మాన్సూన్ ఎమర్జెన్సీ టీమ్ ఇంచార్జ్ ఘటనకు బాధ్యుడిని, మ్యాన్ హోల్ మూత మూసేందుకు అవసరమైన చర్యలు తక్షణమే తీసుకున్నామని హైడ్రా కమిషనర్ సూచించారు. ఈ ఘటనకు సంబంధించిన బాధ్యులపైన కఠిన చర్యలు తీసుకుంటామన్నారు. 

గురువారం యాకుత్‌పురాలో తెరిచి ఉన్న మ్యాన్‌హోల్‌లో(open manhole) పడిపోయిన ఆరేళ్ల బాలిక తృటిలో తప్పించుకుంది. ఆమె వెనుక నడుస్తున్న ఒక మహిళ ఆమెను వెంటనే రక్షించింది. డ్రెయిన్‌లో నీటి ప్రవాహం లేకపోవడంతో, ఆ బాలికకు స్వల్ప గాయాలు మాత్రమే అయ్యాయి. సీసీటీవీ కెమెరాల్లో రికార్డైన ఈ సంఘటనలో చిన్నారి కప్పబడని మ్యాన్‌హోల్‌లోకి జారిపడటం, అప్రమత్తమైన మహిళ ఆమెను బయటకు తీయడానికి పరుగెత్తడం కనిపిస్తుంది. జీహెచ్‌ఎంసీ అధికారుల ప్రకారం, రెయిన్ బజార్ డివిజన్ పరిధిలోని మౌలా కా చిల్లా నివాసి అయిన బాలిక ఉదయం 8 గంటల ప్రాంతంలో పాఠశాలకు వెళుతుండగా ఈ సంఘటన జరిగింది. స్థానికులు ఆమెకు సహాయం చేసి బయటకు తీయడంలో సహాయపడ్డారు. బాలికను మహిళ కాపాడిన వీడియో సామాజిక మాద్యమాల్లో వైరల్ అయింది.