ఈ వారం వార్తల్లో..

మహా తొలి మహిళా డిప్యూటీ సీఎం సునేత్ర

సునేత్రా పవార్ మహారాష్ట్ర తొలి మహిళా ఉప ముఖ్యమంత్రిగా ప్రమాణం చేశారు. 1963 జనవరి 18న జన్మించిన ఆమె రాష్ట్ర మంత్రి, లోక్‌సభ ఎంపీ పదమ్‌సిన్హ్ పాటిల్ సోదిరి. ఆమె 1985లో అజిత్ పవార్‌ను వివాహం చేసుకున్నారు. ఆమె నేషనలిస్ట్ కాంగ్రెస్ పార్టీ అధ్యక్షురాలిగా కూడా ఎన్నికయ్యారు. గతంలో రాజ్యసభలో మహారాష్ట్రకు ప్రాతినిధ్యం వహించారు. 

మాలీవుడ్ డ్యుయెల్ స్టార్ 

మమ్ముట్టి.. మలయాళ చిత్రసీమలో మెగాస్టార్. నటుడిగా, నిర్మాతగా గుర్తింపు తెచ్చుకున్నారు. ఐదు దశాబ్దాల కెరీర్‌లో పలు భాషల్లో  15 సార్లు ద్విపాత్రాభినయం చేసిన ఘనత ఆయన సొంతం. విలక్షణ నటనతో, విభిన్న పాత్రలతో మరెన్నో ప్రయోగాత్మక చిత్రాలతో మెప్పించారు. 1998లో పద్మశ్రీ వచ్చింది. ఈ ఏడాది (2026)కు గాను ‘పద్మభూషణ్ పురస్కారం’ వరించింది.