జెరూసలేంలో భారతీయుడు మృతి: ఇజ్రాయెల్ పౌరుడు అరెస్ట్

ఇజ్రాయెల్‌లో భారతీయ కార్మికుడు మృతి 

జెరూసలేం: ఇజ్రాయెల్‌లోని జెరూసలేం నగరంలో ఒక అపార్ట్‌మెంట్‌ గదిలో 40 ఏళ్ల భారతీయ పౌరుడు(Indian national) అనుమానాస్పద పరిస్థితుల్లో మృతి చెంది కనిపించారు. స్థానిక సమాచారం ప్రకారం, తెల్లవారుజామున అపార్ట్‌మెంట్‌లోని ఒక వ్యక్తి రక్తపు మడుగులో పడి ఉండటాన్ని స్థానికులు గమనించి వెంటనే పోలీసులకు సమాచారం అందించారు. పోలీసులు ఘటనా స్థలానికి చేరుకుని, కేసు నమోదు చేసి దర్యాప్తు చేపట్టారు. జెరూసలేంలో(Jerusalem) ఒక భారతీయుడి హత్యకు సంబంధించి 31 ఏళ్ల ఇజ్రాయెల్ పౌరుడిని అరెస్టు చేసినట్లు పోలీసులు తెలిపారు. కొన్ని సంవత్సరాల క్రితం ఉపాధి కోసం భారతదేశం నుంచి ఇజ్రాయెల్‌కు వలస వెళ్లిన బాధితుడు, అనుమానితుడితో జరిగిన వివాదం అనంతరం హత్యకు గురైనట్లు ప్రాథమిక విచారణలో వెల్లడైంది. ఈ ఘటనకు దారితీసిన ఖచ్చితమైన పరిస్థితులను నిర్ధారించడానికి పోలీసులు తమ దర్యాప్తును కొనసాగిస్తున్నారు.