సంకష్టహర చతుర్థి దీక్ష ఎంతో శ్రేష్టమైనది

ఘనంగా చతుర్థి వేడుకలు

సంకష్టహర చతుర్థి దీక్షతో సంకటాలు తొలుగుతాయి 

మంథని,(విజయక్రాంతి): ప్రతి నెలలో పౌర్ణమి తరువాత వచ్చే చవితి తిథిని సంకష్టహర చతుర్థిగా పరిగణిస్తారు. గణపతికి ఎంతో ప్రీతిపాత్రమైనది చవితి తిథి.  మాఘ మాసం శుక్లపక్షం గురువారం రోజున సంకష్టహర చతుర్థి దీక్ష చేపట్టిన భక్తులకు రాత్రి 9.26 నిమిషములకు  చంద్రోదయం కాలం. చంద్రోదయ సమయమునకు చవితి తిథి ఉంటే సంకష్టహర చతుర్థి గా పరిగణిస్తారు.

మంథని పట్టణంలోని తమ్మిచెరువు కట్ట వీధిలో సిద్ధి బుద్ధి సమేతంగా వెలసిన శ్రీ మహాగణపతి దేవాలయంలో భక్తులు విశేష సంఖ్యలో విఘ్నేశ్వరుని దర్శించుకున్నారు. ఈ రోజున గణపతి మహాగణపతి అనే నామంతో పూజలు అందుకున్నారు. మానవులు తమ దైనందిన జీవితంలో ఎదురయ్యే సంకటాలను తొలగించుకోవడానికి ఈ దీక్ష చేపడతారు. ఏ శుభకార్యం చేయాలన్నా మొదట విగ్నేశ్వరున్ని పూజించడం మన సాంప్రదాయం. శ్రీ విఘ్నేశ్వరుని కృప ఉంటే ఇలాంటి కష్టములు దరి చేయవు. ఎలాంటి కష్టములైన తొలగిపోతాయని భక్తుల ప్రగాఢ విశ్వాసం.