జేరుసలం: ఇరాన్ అణు(US Attacks Iranian Nuclear Sites) కేంద్రాలపై అమెరికా దాడుల నేపథ్యంలో ఇజ్రాయెల్ విమానాశ్రయ అథారిటీ(Israel Airports Authority) ఆదివారం తన వైమానిక ప్రాంతాన్ని ఇన్‌బౌండ్, అవుట్‌బౌండ్ విమానాలకు మూసివేస్తున్నట్లు ప్రకటించింది. ఇటీవలి పరిణామాల కారణంగా విమాన రాకపోకలను నిలిపివేస్తున్నట్లు ఏజెన్సీ తెలిపింది. ఎంతకాలం ఉంటుందో చెప్పలేదు. ఇరాన్‌లోని మూడు ప్రదేశాలపై అమెరికా ఆదివారం తెల్లవారుజామున దాడులు చేసింది. విస్తృత ప్రాంతీయ సంఘర్షణ భయాలు ఉన్నప్పటికీ, దీర్ఘకాల శత్రువును బలహీనపరిచే ప్రమాదకర వ్యూహంలో భాగంగా ఆ దేశ అణు కార్యక్రమాన్ని(Nuclear program) నాశనం చేసే లక్ష్యంతో ఇజ్రాయెల్ అమెరికాతో కలిసి దాడి చేసింది. 

ఇంతలో, ఇస్ఫహాన్, ఫోర్డో లేదా నటాంజ్‌లోని అణు కేంద్రాలపై అమెరికా వైమానిక దాడులు(US Airstrikes) చేసిన తర్వాత ఇరాన్ అక్కడ కాలుష్యం సంకేతాలు లేవని తెలిపింది. ఇరాన్ ప్రభుత్వ మీడియా(Iranian state media) ఆ దేశ జాతీయ అణు భద్రతా వ్యవస్థ కేంద్రాన్ని ఉటంకిస్తూ ఒక ప్రకటన విడుదల చేసింది. తమ అణుకేంద్రాలపై దాడి జరిగినట్లు ఇరాన్ అధికారిక మీడియా ధ్రువీకరించింది. ఫోర్డో, నతాంజ్, ఇస్ఫాహాన్ అణు కేంద్రాలపై అమెరికా దాడి చేసినట్లు తెలిపింది. దాని రేడియేషన్ డిటెక్టర్లు దాడుల తర్వాత ఎటువంటి రేడియోధార్మిక విడుదలను నమోదు చేయలేదని పేర్కొంది. పైన పేర్కొన్న ప్రదేశాల చుట్టూ నివసించే నివాసితులకు ఎటువంటి ప్రమాదం లేదని ప్రకటనలో జోడించింది. గతంలో కూడా ఇజ్రాయెల్ అణు కేంద్రాలపై జరిపిన వైమానిక దాడుల వల్ల కేంద్రాల చుట్టూ ఉన్న పర్యావరణంలోకి రేడియోధార్మిక పదార్థం విడుదల కాలేదని అంతర్జాతీయ అణు ఇంధన సంస్థ తెలిపింది.