ఇబ్రహీంపేట్ లో వర్షాలు కురవాలని బసవేశ్వర ఆలయంలో జలాభిషేకం

సర్పంచ్ ఉద్దెర సంధ్యారాణి రాజ్ కుమార్

బాన్సువాడ,(విజయ క్రాంతి): కామారెడ్డి జిల్లా బాన్సువాడ మండలంలోని ఇబ్రహీంపేట్ గ్రామంలో వర్షాభావ పరిస్థితుల నేపథ్యంలో వర్షాలు విరివిగా కురిసి పంటలు బాగా పండాలని గ్రామ సర్పంచ్ ఉద్దెర సంధ్యారాణి రాజ్ కుమార్ ఆధ్వర్యంలో గ్రామ పెద్దలతో కలిసి బాజా భజన పాటలతో స్థానిక వామన, పాండురంగ వెంకటేశ్వర మందిరంలోని జోడు హనుమాన్ మందిరం బసవేశ్వర మందిరంలో నిండు బిందెలతో వెళ్ళి గర్భగుడి పూర్తి జలంతో నింపి విగ్రహారాధన చేసి ప్రత్యేక పూజలు నిర్వహించడం జరిగింది. ఈ కార్యక్రమంలో మాజీ సర్పంచ్ నారాయణరెడ్డి, రాజిరెడ్డి ప్రవీణ్ రెడ్డి సాయిలు పండరి దిగంబర్ పంతులు గ్రామ పెద్దలు యువకులు తదితరులు పాల్గొన్నారు.