calender_icon.png 29 November, 2025 | 9:14 PM

  • top-fb.png
  • top-tw.png
  • top-insta.png
  • top-yt.png

అనాథ విద్యార్థి గృహ అధ్యక్షుడు మార్గం రాజేష్ కు "శ్రీసత్యసాయి సేవా పురస్కారం

29-11-2025 08:38:50 PM

ఎల్బీనగర్: ఎల్బీనగర్ లోని అనాథ విద్యార్థి గృహ అధ్యక్షుడు మార్గం రాజేశ్ "శ్రీ సత్యసాయి సేవా పురస్కారం - 2025" అందుకున్నారు.‌ పినాకిని యూత్ వెల్ఫేర్ అసోసియేషన్, కుసుమ ధర్మన్న కళాపీఠం అధ్వర్యంలో శనివారం ఉదయం చిక్కడపల్లిలోని త్యాగరాజ గానసభలో భగవాన్ సత్యసాయిబాబా 100వ జయంతి వేడుకలు జరిగాయి. ఈ వేడుకల్లో సాహితీ, కళా, సేవా రంగాల్లో సేవలు అందించిన ప్రముఖులను సన్మానించారు.

ఇందులో భాగంగా మార్గం రాజేశ్ కు "శ్రీ సత్యసాయి సేవా పురస్కారం - 2025" అవార్డును ఆధ్యాత్మిక రచయిత్రి, కళారత్న డాక్టర్‌ కేవీ కృష్ణ కుమారి అందజేశారు. ఈ సంధర్భంగా నెల్లూరు పినాకిని యూత్ వెల్ఫేర్ అసోసియేషన్  అధ్యక్షుడు మురళీ మోహన్ రాజు మాట్లాడుతూ... మార్గం రాజేశ్ రెండు తెలుగు రాష్ట్రాల్లోని అనాథ, నిరుపేద విద్యార్థులకు మూడు దశాబ్దాలుగా ఉచితమైన భోజన, వసతి, ఆన్ని విద్యా సౌకర్యాలు కల్పించి, వారి భవిష్యత్తుకు అహర్నిశలు కృషి చేస్తున్నారని తెలిపారు. కార్యక్రమంలో ఎస్ఎస్ఆర్ ట్రస్ట్ చైర్మన్ రామచంద్రరావు, సినీ దర్శకుడు మాగంటి ప్రసాద్ బాబు, కుసుమ ధర్మన్న  కళాపీఠం  అధ్యక్షుడు డాక్టర్ రాధ కుసుమ తదితరులు పాల్గొన్నారు.