యంగ్ హీరో ఆదిసాయికుమార్ నటిస్తున్న సూపర్ నేచురల్ థ్రిల్లర్ ‘శంబాల: ఎ మిస్టికల్ వరల్డ్’. షైనింగ్ పిక్చర్స్ బ్యానర్‌పై రాజశేఖర్ అన్నభీమోజు, మహీధర్‌రెడ్డి నిర్మిస్తున్న ఈ చిత్రానికి యుగంధర్ ముని దర్శకత్వం వహిస్తున్నారు. అర్చన అయ్యర్, స్వాసిక, రవివర్మ, మధునందన్, శివకార్తీక్ కీలక పాత్రల్లో నటిస్తున్న ఈ సినిమా నుంచి పోస్టర్లు, పాత్రల్ని రివీల్ చేస్తున్న తీరు ఆసక్తిని పెంచుతోంది.

తాజాగా మరో ఇద్దరి ఫస్ట్‌లుక్‌ను విడుదల చేసింది టీమ్. ఇంద్రనీల్ పోషించిన మల్లేశ్ పాత్ర, శైలజప్రియ పోషించిన కాంచనమాల పాత్రకు సంబంధించిన ఫస్ట్‌లుక్ పోస్టర్లను రిలీజ్ చేశారు. ఈ రెండు పోస్టర్లు ఆకట్టుకుంటున్నాయి. ఈ థ్రిల్లర్ మూవీ విడుదల తేదీని త్వరలో ప్రకటించనున్నారు.