15 June, 2026 | 9:56 PM 
దంపతులుగా మారిన కిరణ్
24-08-2024 12:43 AM
యంగ్ హీరో కిరణ్ అబ్బవరం, హీరోయిన్ రహస్య గోరక్ వివాహం గురువారం రాత్రి కర్ణాటకలోని కూర్గ్లో జరిగింది. అక్కడి ఓ రిసార్ట్లో కుటుంబ సభ్యులు, సన్నిహితుల సమక్షంలో జరిగిన ఈ వేడుకకు సంబంధించి ఫొటోలు, వీడియోలు సోషల్ మీడియాలో సందడి చేస్తున్నాయి. సినీ ప్రియులు, చిత్ర పరిశ్రమకు చెందినవారు కొత్త జంటకు శుభాకాంక్షలు చెబుతూ పోస్ట్లు పెడుతున్నారు. కిరణ్, రహస్య.. ‘రాజావారు రాణిగారు’ సినిమాలో కలిసి నటించిన సమయంలోనే పరస్పరం ఇష్టపడ్డారు. ఇప్పుడు పెద్దల అంగీకారంతో వైవాహిక బంధంలోకి అడుగుపెట్టారు.
