హైదరాబాద్: కేంద్రమంత్రి కిషన్ రెడ్డి(Union Minister Kishan Reddy) వందేభారత్ రైలులో వరంగల్ కు వెళ్లారు. వరంగల్ రైల్వే స్టేషన్ అభివృద్ధి పనులను కిషన్ రెడ్డి పరిశీలించారు. వరంగల్ లో కిషన్ రెడ్డికి బీజేపీ శ్రేణులు ఘనస్వాగతం పలికారు. వరంగల్ రైల్వేస్టేషన్  క్యాంటీన్ లో కిషన్ రెడ్డి ఛాయ్ పే చర్చ జరిపారు. కిషన్ రెడ్డి శుక్రవారం హైటెక్ సిటీ రైల్వే స్టేషన్‌లో జరుగుతున్న పునరుద్ధరణ పనులను పరిశీలించారు.  సంక్రాంతి పండుగకు సొంత ఊళ్లకు వెళ్లే ప్రయాణికుల కోసం హైటెక్ సిటీ రైల్వే స్టేషన్ వద్ద 16 స్పెషల్ ట్రైన్లు  ఆపబోతున్నామని తెలిపారు. ఈ సదుపాయాలను హైదరాబాద్ ప్రజలు సద్వినియోగం చేసుకోవాల్సిందిగా విజ్ఞప్తి చేశారు. ప్రయాణికుల స్పందనను బట్టి ఈ స్టేషన్‌ నిర్మాణం పూర్తయ్యాక మరిన్ని రైళ్లు, మెరుగైన సౌకర్యాలు కల్పించనున్నట్లు కేంద్రమంత్రి పేర్కొన్నారు.