హైదరాబాద్: ప్రధాని నరేంద్ర మోదీ(Narendra Modi)కి మాజీ మంత్రి, బీఆర్ఎస్ వర్కింగ్ ప్రెసిడెంట్ కేటీఆర్ కీలక(BRS Working President KTR) విజ్ఞప్తి చేశారు. 'తెలంగాణ ముఖ్యమంత్రి రేవంత్ రెడ్డి కంచ గచ్చిబౌలి అడవి విధ్వంసం గురించి మీ ప్రసంగం విని నేను చాలా సంతోషించాను. అయితే, ఇది కేవలం నోటి మాట కాదని నేను ఆశిస్తున్నాను'. అని కేటీఆర్ తెలిపారు. పర్యావరణంపై ప్రధానిగా చిత్తశుద్ధి నిరూపించుకోవాల్సిన సమయం వచ్చిందని తెలిపారు. కంచ గచ్చిబౌలి భూముల ఆర్థిక అక్రమాలపై విచారణ చేపట్టాలని కేటీఆర్ డిమాండ్ చేశారు. కాంగ్రెస్, బీజేపీ కుమ్మక్కు కాలేదని నిరూపించుకోవాలని కోరారు. సీఎం రేవంత్ రెడ్డి(CM Revanth Reddy) విధ్వంసంపై ప్రధాని వ్యాఖ్యలకే పరిమితం కాకుండా చర్యలు తీసుకోవాలని డిమాండ్ చేశారు.

కంచ గచ్చిబౌలి(Kancha Gachibowli row) అంశం వందల ఎకరాల పర్యావరణ విధ్వంసం మాత్రమే కాదన్న కేటీఆర్ కాంగ్రెస్ ప్రభుత్వం చేసిన రూ. 10 వేల కోట్ల ఆర్థిక మోసం అన్నారు. కంచ గచ్చిబౌలి భూమిని తనఖా పెట్టడంలో జరిగిన రూ. 10,000 కోట్ల ఆర్థిక మోసం గురించి దర్యాప్తు సంస్థలైన సీవీసీ,సీబీఐ, ఎస్ఎఫ్ఐఓ, ఎస్ఈబీఐ, ఆర్బీఐలకు మేము ఇప్పటికే లేఖ రాయడం ద్వారా హెచ్చరించామని పేర్కొన్నారు. సుప్రీం కోర్టు సెంట్రల్ సాధికార కమిటీ(Supreme Court Central Empowered Committee) ఆర్థిక అక్రమాల ఉనికిని నిర్ధారించింది. కేంద్ర సంస్థలతో సమగ్ర దర్యాప్తు అవసరాన్ని నొక్కి చెప్పిందన్నారు. మన నగరాలు ఉక్కిరిబిక్కిరి అవుతున్నందున, పర్యావరణ పరిరక్షణ అత్యంత ముఖ్యమైనది. వ్యవస్థలను నిర్భయంగా అణచివేసే రేవంత్ రెడ్డి వంటి రాజకీయ నాయకులను బయటపెట్టడం కూడా అంతే ముఖ్యమన్నారు. ఆర్థిక అక్రమాలపై వెంటనే కేంద్ర ప్రభుత్వం(Central government) విచారణ చేపట్టాలని కోరారు. కంచ గచ్చిబౌలిలో జరిగిన విధ్వంసం కేవలం 100 ఎకరాలకు పైగా జీవవైవిధ్యాన్ని నాశనం చేసే తీవ్రమైన పర్యావరణ విపత్తు మాత్రమే కాదు, కాంగ్రెస్ ప్రభుత్వం చేసిన భారీ ఆర్థిక మోసం అని పునరుద్ఘటించారు.