థింక్ అగైన్ పుస్తకం ఆవిష్కరణ

హైదరాబాద్, జూన్ 21 (విజయక్రాంతి): ప్రముఖ సీనియర్ లాపరోస్కోపిక్, హెర్నియా, రోబోటిక్ సర్జన్ డా. వరుణ్ రాజు తిరుమలగిరి రచించిన ‘థింక్ అగైన్’ పుస్తకాన్ని ఆదివారం హైదరాబాద్‌లోని రవీంద్రభారతిలో ఘనంగా ఆవిష్కరించారు. ఈ కార్యక్రమానికి సాహిత్యాభిమానులు, వైద్య నిపుణులు, విద్యావేత్తలు, విద్యార్థులు, మేధావులు, పాఠకులు పెద్ద సంఖ్యలో హాజరయ్యారు. ఈ పుస్తకాన్ని ముఖ్య అతిథిగా హాజరైన ప్రొఫెసర్ గౌరీ శంకర్, తెలంగాణ తెలుగు విశ్వవిద్యాలయం మాజీ రిజిస్ట్రార్, అధికారికంగా ఆవిష్కరించారు.

ఈ సందర్భంగా ఆయన మాట్లాడుతూ క్లిష్టమైన అంశాలను కూడా అందరికీ అర్థమ య్యే రీతిలో రచయిత వివరించారని ప్రశంసించారు. అతిథి, టాలీవుడ్ నటుడు ప్రదీప్ కొండిపర్తి డా. వరుణ్ రాజు తిరుమలగిరికి అభినందనలు తెలియజేశారు. ప్రత్యేక అతిథులుగా మిమిక్రీ కళాకారుడు, మోటివేషనల్ స్పీకర్ శ్రీనివాస్ చించపట్టణ గోమఠం, సీనియర్ ఇంజనీర్, ఆధ్యాత్మిక గురువు చంద్రశేఖర్ మొడాలి పుస్తకంలోని ప్రధాన అంశాలపై అభిప్రాయాలను పంచుకున్నారు.