మలయాళ స్టార్ దుల్కర్ సల్మాన్ తెలుగులో నటించిన హ్యాట్రిక్ చిత్రం ‘లక్కీ భాస్కర్’. మీనాక్షి చౌదరి కథానాయిక. దర్శకుడు వెంకీ అట్లూరి దర్శకత్వంలో ఈ సినిమాను సితార ఎంటర్‌టైన్‌మెంట్స్, ఫార్చూన్‌ఫోర్ సినిమాస్ పతాకాలపై సూర్యదేవర నాగవంశీ, సాయిసౌజన్య నిర్మించారు. దీపావళి కానుకగా అక్టోబర్ 31న విడుదలైన ఈ సినిమాకు పాజిటివ్ టాక్ దక్కించుకుంది.

ఈ నేపథ్యంలో నిర్మాత సూర్యదేవర నాగవంశీ, దర్శకుడు వెంకీ అట్లూరి తమ సంతోషాన్ని మీడియాతో పంచుకున్నారు. నిర్మాత సూర్యదేవర నాగవంశీ మాట్లాడుతూ.. ‘సోషల్ మీడియాలో అంతటి పాజిటివ్ టాక్ వచ్చింది. థాంక్స్ అనేది చాలా చిన్న మాట. సినిమా పట్ల ప్రేక్షకులు చూపిస్తున్న ప్రేమకు మాటల్లో చెప్పలేనంత సంతోషం కలుగుతోంది.

ఇది మా అదృష్టం’ అన్నారు. దర్శకుడు వెంకీ అట్లూరి మాట్లాడుతూ.. ‘మలయాళం ప్రేక్షకులు డబ్బింగ్ సినిమాలా చూడటంలేదు. సొంత సినిమాగానే భావిస్తున్నారు’ అన్నారు. నటుడు రాజ్‌కుమార్ కశిరెడ్డి, మిగతా చిత్రబృందం పాల్గొన్నారు.