మోతే: బైక్ అదుపు తప్పి రోడ్డు వెంబడి ఉన్న గోతిలో పడి వ్యక్తి మృతి చెందిన సంఘటన సూర్యాపేట జిల్లా(Suryapet District) మోతే మండల పరిధిలోని మామిల్లగూడెం సమీపంలో సూర్యాపేట ఖమ్మం రహదారిపై శనివారం చోటు చేసుకుంది. ఏఎస్ఐ సత్యనారాయణ తెలిపిన వివరాలు ప్రకారం... మునగాల మండలం నారాయణగూడ గ్రామానికి చెందిన చింత శ్రీకాంత్(27) సంవత్సరాలు మునగాల నుంచి మోతే మీదుగా నాయకన్ గూడెం వెళుతుండగా మామిల్లగూడెం సబ్ స్టేషన్ పరిధిలో ఉన్న రోడ్డు వెంబడి బైక్ అదుపుతప్పి పల్టీ కొట్టడంతో రోడ్డు వెంబడి ఉన్న గోతిలో పడి అక్కడికక్కడే మృతి చెందాడు. మృతుడికి భార్య కలదు తల్లి రమణమ్మ ఫిర్యాదు మేరకు కేసు నమోదు చేసినట్లు పోలీసులు తెలిపారు.