పోలీసులకు భరోసా.. సేవలో మెడికల్ ఫార్మసీ ముందడుగు

హుస్నాబాద్, ఏప్రిల్ 15: హుస్నాబాద్ పట్టణంలోని హుస్నాబాద్ మెడికల్ ఫార్మసీ తన ప్రారంభానికి సంవత్సరం పూర్తి చేసుకున్న సందర్భంగా సామాజిక బాధ్యతను చాటుతూ పోలీస్ శాఖకు 15 చెక్పోస్ట్ బారికేడ్లను అందజేసింది. ప్రజల భద్రతలో భాగస్వామ్యం అవుతూ ఈ సహాయం చేయడం విశేషంగా నిలిచింది.

ఈ సందర్భంగా హుస్నాబాద్ ఏసీపీ సదానందం మెడికల్ ఫార్మసీ యాజమాన్యాన్ని అభినందిస్తూ శాలువాతో సత్కరించారు. పోలీస్ శాఖకు ఈ బారికేడ్లు ఎంతో ఉపయోగకరంగా ఉంటాయని ఆయన తెలిపారు. కార్యక్రమంలో హుస్నాబాద్ సీఐ శ్రీనివాస్, ఎస్త్స్ర లక్ష్మారెడ్డి పాల్గొన్నారు. అలాగే ఫార్మసీ యజమానులు ఆంజనేయులు గౌడ్, వేణు, తిరుపతి, మహేంద్ర, నరేష్ హాజరయ్యారు. సమాజ సేవలో భాగంగా సంస్థలు ముందుకు రావడం అభినందనీయం అని స్థానికులు ప్రశంసించారు.