మేరు ప్రావిన్య విజయవంతం

1. నవంబర్ 16 నుంచి 22 వరకు నిర్వహణ
2. 480 మంది యువ ఆవిష్కర్తల ప్రతిభ వెలుగులోకి
3. అత్యుత్తమ ఆవిష్కరణగా ‘న్యూట్రిస్కాన్ ఏఐ’ 

హైదరాబాద్ సిటీ బ్యూరో, నవంబర్ 22 (విజయక్రాంతి): మేరు ఇంటర్నేషనల్ స్కూల్ నిర్వహించిన వార్షిక ఎంట్రప్రెన్యూర్షిప్ ఐడియాథాన్ ‘మేరు ప్రావిన్య 2025’ ఈ నెల 16 నుంచి 22 వరకు మియాపూర్, తెల్లాపూర్ క్యాంపసుల్లో విజయవంతంగా జరిగింది. శనివారం తెల్లాపూర్ క్యాంపసులో గ్రాండ్ ఫినాలే జరగింది. స్కూల్ యొక్క ముఖ్య కార్యక్రమం మేరు కెరీర్, లీడర్‌షిప్ అండ్ లైఫ్ స్కిల్స్, అకాడమిక్ ఎన్‌రిచ్‌మెంట్ ప్రోగ్రాం (ఎంసీఎల్‌ఏపీ) ఆధ్వర్యంలో ఈ సంవత్సరం ఏఐ అండ్ రోబోటిక్స్ ఫర్ ఏ బెట్టర్ టుమార్రో నినాదంతో విద్యార్థులు సమాజానికి ఉపయోగపడే సాంకేతిక పరిష్కారాలను రూపొందించారు.

మొత్తం 80 జట్లు, 480 మంది విద్యార్థులు ఆరు రోజుల పాటు జరిగిన సెమీఫైనల్ రౌండ్లలో పాల్గొన్నారు. ఫినాలే కార్యక్రమానికి స్కూల్ ఫౌండర్ మేఘనా గొరుకంటి జూపల్లి, తల్లిదండ్రులు, అకాడమిక్ నాయకులు, పరిశ్రమ నిపుణులు హాజరయ్యారు. ఈ సందర్భంగా మేఘనా గొరుకంటి జూపల్లి మాట్లాడుతూ.. ‘ఇన్నోవేషన్ అనేది కేవలం టెక్నాలజీ కాదు. మేరు ప్రావిన్య ద్వారా భవిష్యత్తు నాయకులు, బాధ్యతాయుతమైన ఇన్నోవేటర్లు తయారవడం మా లక్ష్యం’ అన్నారు.

ఈ కార్యక్రమంలో విద్యార్థులు సేఫ్టీ, సస్టైనబిలిటీ, యాక్సెస్బిలిటీ, పర్యావరణ పరిరక్షణ, కమ్యూనిటీ వేల్బీయింగ్ వంటి విభాగాల్లో ఆవిష్కరణలు ప్రదర్శించారు. లీప్ రోబోటిక్స్ సహకారంతో అనేక జట్లు ఫంక్షనల్ ప్రోటోటైప్స్‌ను రూపొందించాయి. గ్రాండ్ ఫినాలేలో న్యూట్రిస్కాన్ ఏఐ అత్యుత్తమ ఇన్నోవేషన్‌గా నిలిచి ప్రధాన అవార్డు అందుకుంది. జట్లు బడ్డింగ్ ఎంట్రప్రెన్యూర్ అవార్డు, ఇన్నోవేషన్ ఇన్ యాక్షన్ అవార్డు, టెక్ ఫర్ టుమారో అవార్డులను సాధించాయి.

ముఖ్య ఆవిష్కరణలు

* ఆర్‌హెచ్‌ఏఏఎస్(రాస్): రహదారి ప్రమాదాల సమయంలో వెంటనే స్పందించే రెస్క్యూ రోబో. 

* ఏజీసీ(ఆటోమేటిక్ గార్బేజ్ క్లీనర్): పార్కుల్లో చెత్తను గుర్తించి శుభ్రం చేసే స్మార్ట్ రోబో

* గెస్టర్ లింక్: సైన్ లాంగ్వేజ్‌ను మాటల్లోకి మార్చే వేరబుల్ గ్లోవ్

* ఎకో స్ట్రుడ్: మార్చదగిన, అనుకూలీకరించదగిన భాగాలతో ఉన్న ఏఐ ఆధారిత షూ

* అక్యూవా సోస్: మత్స్యకారులు, తీర ప్రాంత భద్రత కోసం రూపొందించిన వాటర్‌ఫ్రూప్ ఎస్‌వోఎస్ పరికరం

* స్మార్ట్ కేన్ విజన్: దృష్టి సమస్యలున్న వారికి అడ్డంకులను గుర్తించే ఏఐ కేన్

* ప్లాంట్ గార్డ్ ఏఐ: మొక్కల వ్యాధులను గుర్తించి పరిష్కారాలు సూచించే ఏఐ పరికరం

* సేఫ్ రూట్ బడ్డీ: విద్యార్థుల స్కూల్ ప్రయాణాన్ని భద్రపరచడానికి ఏఐ ఆధారిత మానిటరింగ్ వ్యవస్థ

* వేస్ట్ విజార్డ్: గృహాలు, సమాజంలో చెత్తను వర్గీకరించే రోబోటిక్ పరికరం

* ఎయిర్ షీల్డ్ మినీ: పిల్లల కోసం గాలి నాణ్యతను ట్రాక్ చేసే చిన్న వేరబుల్ పరికరం