1. నాగార్జున ఫ్యామిలీకి మంత్రి కొండా సురేఖ క్షమాపణలు. 
2. మనోభాబాలను దెబ్బతీయాలనే ఉద్దేశం లేదు.
3. అనుకోని అపోహలు కలిగితే చింతిస్తున్నా.
4. రేపు నాంపల్లి కోర్టులో నాగార్జున పరువునష్టం పిటిషన్ విచారణ.

హైదరాబాద్: పరువు నష్టం కేసు(Defamation case) ఎదుర్కొంటున్న తెలంగాణ అటవీ, పర్యావరణ మంత్రి కొండా సురేఖ(Minister Konda Surekha) నటుడు అక్కినేని నాగార్జున(Nagarjuna), అతని కుటుంబ సభ్యులకు బహిరంగ క్షమాపణలు చెప్పి, వాళ్లపై చేసిన వ్యాఖ్యలను ఉపసంహరించుకున్నారు. తన వ్యాఖ్యలు నాగార్జున, ఆయన కుటుంబ సభ్యులను బాధపెట్టాలనే ఉద్దేశ్యం లేదని కొండా సురేఖ అన్నారు. “అక్కినేని నాగార్జున, ఆయన కుటుంబ సభ్యులను బాధపెట్టడం లేదా పరువు తీయడం నాకు ఉద్దేశం కాదు. వాటికి సంబంధించి నా ప్రకటనల ద్వారా ఏర్పడిన ఏదైనా అనాలోచిత అభిప్రాయానికి నేను చింతిస్తున్నాను. దానిని ఉపసంహరించుకుంటాను” అని సురేఖ తన ఎక్స్ లో నాగార్జునను ట్యాగ్ చేస్తూ పోస్ట్‌ చేశారు.

కొండా సురేఖ అక్టోబర్ 2 2024న మాజీ మంత్రి, బీఆర్ఎస్ వర్కింగ్ ప్రెసిడెంట్ కేటీ రామారావు(BRS Working President KT Rama Rao), నటుడు నాగార్జునపై పరువు నష్టం కలిగించే వ్యాఖ్యలు చేశారు. సమంత, నాగ చైతన్య విడాకులకు(Samantha, Naga Chaitanya divorce) కేటీఆర్ కారణమని విపరీతమైన ఊహాగానాలు చేశారు. ఆమె వ్యాఖ్యలు విస్తృతంగా విమర్శలకు గురికావడంతో, మరుసటి రోజు కొండా సురేఖ అక్కినేని కుటుంబం, సమంతపై చేసిన వ్యాఖ్యలకు క్షమాపణలు చెప్పారు. కేటీఆర్‌ను విమర్శిస్తూ సమంతను ఉద్దేశపూర్వకంగా బాధపెట్టానని మంత్రి అంగీకరించారు. అయితే, మంత్రి వ్యాఖ్యలు తమ కుటుంబ గౌరవాన్ని, ప్రతిష్టను దెబ్బతీశాయని పేర్కొంటూ నటుడు నాగార్జున ఆమెపై క్రిమినల్ పరువు నష్టం దావా వేశారు. గురువారం నాడు నాంపల్లి కోర్టులో నాగార్జున పరువునష్టం పిటిషన్ పై విచారణ జరగనుంది. కోర్టు విచారణకు ఒక రోజు ముందు నాగార్జునను ట్యాగ్ చేస్తూ మంత్రి పోస్టు చేశారు.