హైదరాబాద్: గత మూడు వారాలుగా అత్యంత ఆసక్తితో జరుగుతున్న మిస్ వరల్డ్ 2025 పోటీల గ్రాండ్ ఫినాలేకు ఆతిథ్యం ఇవ్వడానికి హైదరాబాద్ పూర్తిగా సిద్ధమైంది.  హైటెక్స్ ఎగ్జిబిషన్(Hitex Exhibition Center) కన్వెన్షన్ కేంద్రంలో శనివారం మిస్ వరల్డ్ ఫినాలే(Miss World Finale) కార్యక్రమం జరగనుంది. రేపు సాయంత్రం 6 నుంచి రాత్రి ఒంటిగంట వరకు మిస్ వరల్డ్ గ్రాండ్ ఫినాలే కార్యక్రమాన్ని నిర్వహించనున్నారు. ఈ ప్రతిష్టాత్మక ప్రపంచవ్యాప్త కార్యక్రమానికి నిర్వాహకులు విస్తృత ఏర్పాట్లు చేస్తున్నారు. జాక్వెలిన్ ఫెర్నాండెజ్(Jacqueline Fernandez), ఇషాన్ ఖట్టర్ వంటి బాలీవుడ్ తారలు, ఇతర ప్రముఖ నటులు, ముగింపు సందర్భంగా నృత్య ప్రదర్శనలతో ప్రేక్షకులను అలరించడానికి సిద్ధంగా ఉన్నారు. ఈ ఫినాలేలో 2017 విస్ వరల్డ్ మానుషీ చిల్లర్ సందడి చేయనున్నారు.