ఎమ్మెల్సీ కవిత కనిపించట్లేదు

పోలీసులకు ఉద్యమకారుల ఫిర్యాదు 

నిజామాబాద్, సెప్టెంబర్ 28 (విజయక్రాంతి): బీఆర్‌ఎస్ నాయకురాలు, ఎమ్మెల్సీ కవిత  కొంత కాలంగా కనిపించడం లేదం టూ తెలంగాణ ఉద్యమకారులు పోలీసులకు ఫిర్యాదు చేశారు. గతంలో ఆమె వెంట నడి చి, ఆమె అనుచరులుగా ఉన్నవారే కవితపై పోలీసులకు ఫిర్యాదు చేయడం గమనార్హం. గతంలో తెలంగాణ రాష్ట్ర సమితిలో, ఉద్యమంలో కీలకపాత్ర పోషించిన ఆదే ప్రవీణ్, కోనేటి సాయికుమార్, ఈర్ల శేఖర్ శనివారం వన్‌టౌన్ పోలీసులకు ఫిర్యాదు చేశారు.

లిక్కర్ కేసులో దాదాపు ఆరు నెలలుగా జైలులో ఉన్న కవిత, జైలు నుంచి విడుదలై దాదాపు నెల రోజులకు పైగా గడుస్తున్నా ఇప్పటి వరకు జిల్లాకు రాలేదని, ఆమెను వెతికి పెట్టాలని పోలీసులకు ఫిర్యాదు చేశారు. ఎమ్మెల్సీగా ఉన్న కవిత, ప్రజలు చెల్లించే పన్నులతో జీతాలు తీసుకుంటూ ప్రజలకు దూరంగా ఉండటం తగదన్నారు.