జీతాలు ఇవ్వాలని మోటార్ పంపు ఆపరేటర్ల నిరసన

నల్లగొండ టౌన్, మే 26: ఐదు నెలలుగా జీతాలు రావడంలేదని తెలంగాణ మిషన్ భగీరథ మోటార్ పంపు ఆపరేటర్ల పానగల్లు ఆర్ డబ్ల్యూ ఎస్ ప్లాంట్ కార్యాలయం వద్ద కాంట్రాక్టు కార్మికుల సంఘం మంగళవారం నిరసన వ్యక్తం చేశారు. మోటార్ పంపు ఆపరేటర్ లు రాఘవ కంపెనీ పరిధిలో పనిచే స్తున్నారన్నారు. కానీ గత ఐదు నెలలుగా జీతాలు ఇవ్వకపోవడంతో తీవ్ర ఇబ్బందులు ఎదుర్కొంటున్నామని కార్మికులు ఆవేదన వ్యక్తం చేశారు. జిల్లాలో 30 మంది పంపు ఆపరేటర్లు రాఘవ కంపెనీలో కార్మికులుగా పనిచేస్తున్నారనీ జీతాలు ఇవ్వకపోవడంతో ఆ కుటుంబాలన్నీ రోడ్డునపడే అవకాశాలు ఉన్నాయన్నారు. ఈ కార్యక్రమంలో పలువురు కార్మికులు పాల్గొన్నారు.