విద్యాశాఖ నూతన అసిస్టెంట్ డైరెక్టర్గా శ్రీమతి కే. విజయలక్ష్మి

నిర్మల్ (విజయక్రాంతి): జిల్లా విద్యాశాఖ కార్యాలయంలో జిల్లా విద్యాశాఖ అధికారి శ్రీ పి. రామారావు సమక్షంలో జిల్లా విద్యాశాఖ నూతన అసిస్టెంట్ డైరెక్టర్గా శ్రీమతి కే. విజయలక్ష్మి సోమవారం బాధ్యతలు స్వీకరించారు. కే. విజయలక్ష్మి గద్వాల జిల్లాలో సూపర్డెంట్ గా పనిచేసి, పదోన్నతిపై నిర్మల్ జిల్లా విద్యాశాఖ అసిస్టెంట్ డైరెక్టర్గా నియామకం పొందారు. అక్కడి విధుల నుండి విడుదలై ఈరోజు నిర్మల్ జిల్లాలో విద్యాశాఖ కార్యాలయంలో అసిస్టెంట్ డైరెక్టర్గా బాధ్యతలు స్వీకరించారు.

ఈ సందర్భంగా జిల్లా విద్యాశాఖ అధికారి మరియు సిబ్బంది అందరూ ఆమెకు అభినందనలు తెలిపారు. ఈ కార్యక్రమంలో జిల్లా విద్యాశాఖ పర్యవేక్షకులు వెంకటరమణ, శ్రావణి, సమన్వయకర్తలు సలోమికరుణ, రాజేశ్వర్, లింబాద్రి, సీనియర్ నాయకులు పోశెట్టి, మహేశ్వర్, మాధురి, జూనియర్ సహాయకులు కృష్ణవేణి, ప్రసన్న మరియు విద్యాశాఖ సిబ్బంది పాల్గొన్నారు.