29-11-2025 12:33:39 PM
ఘట్ కేసర్,(విజయక్రాంతి): వెంకటాపూర్ లోని అనురాగ్ విశ్వవిద్యాలయంలో ఈసీఈ విభాగం ఆధ్వర్యంలో మూడు రోజుల నేషనల్ ఇన్ స్ట్రో మెంట్స్ ల్యాబ్ వ్యూ ఫ్యాకల్టీ డెవలప్మెంట్ ప్రోగ్రాంను డాక్టర్ వి. విజయకుమార్, డీన్ స్కూల్ ఆఫ్ ఇంజనీరింగ్ డీన్ డాక్టర్ వి. విజయ్ కుమార్, ఈసీఈ విభాగాధిపతి డాక్టర్ హరికృష్ణ కమతం కలిసి ప్రారంభించారు. ఈకార్యక్రమానికి బెంగళూరు పరిశ్రమ అయిన మ్యూ టెక్నాలజీస్ నుండి ఎండి. ఉమర్ ఫారూఖ్, సీనియర్ అప్లికేషన్ ఇంజనీర్ ముఖ్యఅతిథిగా పాల్గొని ఈ.సీ.ఈ విద్యార్థులు భవిష్యత్తులో ల్యాబ్ వ్యూ టూల్ ఎలా ఉపయోగించవచ్చు, ఈ టూల్ ని రక్షణ రంగ సంస్థలు ఎలా వినియోగిస్తున్నాయి అనే అంశాలపై అవగాహన కల్పించారు. ఈ కార్యక్రమంలో కార్యక్రమ సమన్వయకర్త ఎం. మురళీకృష్ణ, ఉపాధ్యాయులు పాల్గొన్నారు.