శివపార్వతుల కల్యాణానికి పుస్తె మెట్టెలు అందజేత

మరిపెడ, ఫిబ్రవరి 15 (విజయక్రాంతి): మహబూబాబాద్ జిల్లా మరిపెడ మండలం తాళ్ళ ఊకల్ గ్రామంలోని ఉమామహేశ్వర స్వామి ఆలయంలో ఆదివారం అర్చకుల మంత్రోచ్ఛారణ మధ్య శివపార్వతుల కల్యాణం అంగరంగా వైభవంగా జరిగింది. ఈ కళ్యాణ మహోత్సవానికి దాత తాడూరి రమేష్ సరస్వతి దంపతులు (లక్ష్మీ సరస్వతి జ్యువలరీ మరిపెడ బంగ్లా) పుస్తెమట్టెలు అందించి

ఆది దంపతుల ఆశీస్సులు అందరిపై ఉండాలని ఆకాంక్షించారు. ఈ కార్యక్రమంలో సర్పంచ్ తప్పెట్ల శ్రీను, ఉప సర్పంచ్ బోర మల్లయ్య, భూక్య కాల్య నాయక్, కలంచర్ల చిన్న తిరపయ్య, మట్టపల్లి వెంకటమల్లు, చిత్తలూరి రవి, మామిళ్ళ వెంకన్న, కారింగుల నాగేష్, నందారపు ఉపేందర్, గ్రామ పెద్దలు, గ్రామస్తులు భక్తులు తదితరులు పాల్గొన్నారు.