స్మాల్ క్యాప్‌లలో మళ్లీ అవకాశాలు: బజాజ్ ఫిన్‌సర్వ్ అధ్యయనం

బజాజ్ ఫిన్‌సర్వ్ అసెట్ మేనేజ్‌మెంట్ లిమిటెడ్ నిర్వహించిన అధ్యయనం ప్రకారం, స్మాల్ క్యాప్ షేర్లలో పెట్టుబడులకు మళ్లీ అనుకూల పరిస్థితులు ఏర్పడుతున్నాయని తెలుస్తోంది. మెరుగైన ఫండమెంటల్స్, లాభాల్లో పునరుద్ధరణ అవకాశాలు, సరిచేసుకున్న విలువలు మరియు గతంలో కనిపించిన బలమైన రికవరీ ధోరణులు దీనికి మద్దతు ఇస్తున్నాయి. ఈ అధ్యయనం స్మాల్ క్యాప్‌లలో పెట్టుబడులకు క్రమశిక్షణాత్మక దృక్పథాన్ని సూచిస్తోంది.

బలమైన ఆర్థిక స్థితి, స్థిరమైన లాభదాయకత మరియు దీర్ఘకాలిక పోటీ సామర్థ్యం ఉన్న కంపెనీలను గుర్తించడం దీనిలో ప్రధాన లక్ష్యం. అదే సమయంలో, బలమైన వ్యాపార నమూనాలు మరియు భవిష్యత్ విస్తరణ అవకాశాలున్న సంస్థల ద్వారా వృద్ధి అవకాశాలను అందిపుచ్చుకోవడంపైనా దృష్టి పెట్టింది. గత కొన్ని సంవత్సరాల్లో స్మాల్ క్యాప్ విభాగంలో గణనీయమైన నిర్మాణాత్మక మార్పులు చోటుచేసుకున్నాయి. కంపెనీలు విస్తరణ కోసం అప్పుల కంటే అంతర్గత నగదు ప్రవాహాలపై ఎక్కువగా ఆధారపడుతున్నాయి. దీంతో బ్యాలెన్స్ షీట్లు మరింత బలపడటంతో పాటు లాభదాయకత సూచికలు కూడా మెరుగుపడ్డాయి.  2018-19 నుంచి 2021-22 మధ్య సుమారు 2.2 ట్రిలియన్‌గా ఉన్న మొత్తం క్యాపెక్స్, 2022-23 నుంచి 2025-26 మధ్య దాదాపు 3.4 ట్రిలియన్‌కు పెరిగింది. 

అదే సమయంలో నెట్ డెట్-టు-ఈక్విటీ స్థాయులు ఆర్థిక సంవత్సరం 2018-19లో లోని 0.52x నుంచి ఆర్థిక సంవత్సరం 2025-26లో నాటికి దాదాపు శూన్య స్థాయికి తగ్గాయి. రిటర్న్ ఆన్ ఈక్విటీ కూడా 9% నుంచి 12%కి పెరగడం కంపెనీల ఆర్థిక క్రమశిక్షణను మరియు స్థిరమైన వ్యాపార నమూనాలను ప్రతిబింబిస్తోంది. డొమెస్టిక్ ఇన్‌స్టిట్యూషనల్ ఇన్వెస్టర్లు దేశీయ సంస్థాగత పెట్టుబడిదారులు కూడా సిప్ ల ద్వారా స్మాల్ క్యాప్ విభాగంలో తమ పెట్టుబడులను క్రమంగా పెంచుతున్నారు. సిస్టమాటిక్ ఇన్వెస్ట్‌మెంట్ ప్లాన్ ఆధారిత ప్రవాహాలు సాధారణంగా దీర్ఘకాలికంగా మరియు స్థిరంగా ఉండటంతో, భవిష్యత్తులో స్మాల్ క్యాప్ మార్కెట్లో ఒడిదుడుకులను తగ్గించడంలో ఇవి సహాయపడవచ్చని అధ్యయనం పేర్కొంది. 

ప్రస్తుతం దాదాపు 50% స్మాల్ క్యాప్ షేర్లు తమ 10 ఏళ్ల సగటు విలువల కంటే తక్కువ స్థాయిలో ట్రేడవుతున్నాయి. ఇది గత కొన్ని సంవత్సరాల్లో అత్యధిక స్థాయిల్లో ఒకటిగా పేర్కొంది. విస్తృత మార్కెట్ కరెక్షన్ కారణంగా అధిక విలువల ఒత్తిడి తగ్గి, బలమైన ఫండమెంటల్స్ ఉన్న కంపెనీల్లో ఎంపిక చేసిన పెట్టుబడులకు అవకాశాలు ఏర్పడ్డాయని అధ్యయనం తెలిపింది. స్మాల్ క్యాప్ విభాగంలో రికవరీ సంకేతాల మధ్య  బజాజ్ ఫిన్‌సర్వ్ స్మాల్ క్యాప్ ఫండ్ కూడా గణనీయమైన ప్రదర్శన కనబరిచిందని ఆస్తి నిర్వహణ సంస్థ తెలిపింది. జూలై 2025లో ప్రారంభమైన ఈ ఫండ్ ‘క్వాలిటీ, గ్రోత్, వ్యాల్యూ ఆధారిత 3-ఇన్-1 పెట్టుబడి వ్యూహాన్ని అనుసరిస్తోంది.