రామ్‌చరణ్ సరసన?

‘పెద్ది’ తర్వాత రామ్‌చరణ్ నుంచి రానున్న సినిమాపై భారీ అంచనాలున్నాయి. రామ్‌చరణ్ తన 17వ సినిమాను స్టార్ డైరెక్టర్ సుకుమార్‌తో చేయనున్నారు. ఈ మేరకు ఇప్పటికే ఈ ప్రాజెక్టును ‘ఆర్‌సీ17’ అనే వర్కింగ్ టైటిల్‌తో అధికారికంగా ప్రకటించారు. ఆ తర్వాత ఈ సినిమాకు సంబంధించి ఎలాంటి అప్డేట్ రాలేదు. తాజా సమాచారం ప్రకారం, ఈ సినిమాకు సంబంధించిన ప్రీ-ప్రొడక్షన్ పనులు ఇప్పటికే ప్రారంభమైనట్టు తెలుస్తోంది.

ఇదిలావుండగా, ఈ సినిమాలో నటించే కథానాయికగా కన్నడ బ్యూటీ రుక్మిణీ వసంత్ పేరు పరిశీలనలో ఉందనే వార్తలు సినీ వర్గాల్లో చక్కర్లు కొడుతున్నాయి. రుక్మిణీ వసంత్ ప్రస్తుతం టాలీవుడ్ స్టార్ ఎన్టీఆర్ ‘డ్రాగన్’ సినిమాలో నటిస్తోంది. ఇతర పరిశ్రమల్లో రూపొందుతున్న మరికొన్ని సినిమాల్లోనూ భాగమైంది. గత కొంతకాలంగా పాన్ ఇండియా చిత్రాలతో బిజీగా ఉన్న రుక్మిణీ వసంత్‌కు దక్షిణాది సినీ పరిశ్రమల్లో మంచి డిమాండ్ ఏర్పడింది.

భావోద్వేగాలకు ప్రాధాన్యం ఉన్న పాత్రల్లో ఆమె నటనకు ప్రేక్షకుల నుంచి ప్రశంసలు లభించాయి. ఇదే కారణంగా సుకుమార్ తన కొత్త కథకు సరిపోయే కథానాయికగా రుక్మిణీ వైపు మొగ్గు చూపుతున్నారనే ప్రచారం సాగుతోంది. అయితే, చిత్రబృందం నుంచి ఇప్పటివరకు ఎలాంటి అధికారిక ప్రకటన వెలువడలేదు.

రామ్‌చరణ్ కాంబినేషన్‌కు ఇప్పటికే దేశవ్యాప్తంగా భారీ అంచనాలు ఉండటంతో, ఈ ప్రాజెక్టులో నటించే అవకాశం ఏ కథానాయికకైనా కెరీర్‌లో కీలక మలుపుగా మారుతుందని సినీ విశ్లేషకులు భావిస్తున్నారు. ఒకవేళ ఈ కాంబినేషన్ ఖరారైతే, రామ్చరణ్‌రుక్మిణీ జోడీ వెండితెరపై ఎలా అలరిస్తుందో చూడాలనే ఆసక్తి అభిమానుల్లో నెలకొంది.