ఓజిమాండియస్

నేను ప్రాచీన ప్రదేశం నుంచి వచ్చిన 

ఓ బాటసారిని కలిశాను

అతను నాతో చెప్పాడు

విశాలమైన దేహం లేని రెండు రాతికాళ్లు

ఎడారిలో నిలబడి ఉన్నాయని

వాటి దగ్గర ఇసుకలో

సగం మునిగిన ఒక పగిలిన ముఖం

ఆ ముఖంలో కోపం ముడతలు 

పడిన పెదవులు సుకుమారమైన 

ఆజ్ఞలా కనిపించే వ్యంగ్యపు చిరునవ్వు

ఆ మహాశిల్పి ఆ హావభావాలను

ఇప్పటికీ బతికి ఉన్నట్టుగా బాగా మలిచాడు

ఈ ప్రాణరహిత వస్తువులపై 

ముద్రలై నిలిచిపోయాయి

వాటిని ప్రతిబింబించిన చేయి

వాటిని పోషించిన హృదయం

అన్నీ అక్కడే కనిపిస్తున్నాయి

ఆ పీఠంపై శిలాక్షరాల్లో ఈ మాటలు

నా పేరు ఓజిమాండియస్, 

రాజులకే రాజునునా 

మహాకార్యాలను చూడండి

ఓ మహాశక్తులారా, నిరాశలో 

మునిగిపోండి!ఆ మహాకాయ 

శిథిలం చుట్టూ ఇంకేమి మిగల్లేదని

అంతులేని నిర్మానుష్య శూన్యంలో

ఒంటరి సమతలంపై విశాలంగా 

విస్తరించిన ఇసుక తప్ప!

ఆంగ్లమూలం: పీర్సీ బైషీ షెల్లీ

 అనుసృజన: 

ప్రొ. బాణాల శ్రీనివాసరావు