న్యూఢిల్లీ: పార్లమెంటు శీతాకాల సమావేశాలకు ముందు కేంద్రం ఆదివారం అఖిలపక్ష సమావేశాన్ని ఏర్పాటు చేసింది. ఈ సమావేశంలో ప్రతిపక్షాలు ఎన్నికల జాబితాల ప్రత్యేక ఇంటెన్సివ్ సవరణ, ఢిల్లీ పేలుడు, విదేశాంగ విధాన అంశాలను ఉభయ సభల్లో లేవనెత్తే అవకాశం ఉంది. అఖిలపక్ష సమావేశం అనంతరం పార్లమెంటరీ వ్యవహారాల మంత్రి కిరణ్ రిజిజు మాట్లాడుతూ... అన్ని పార్టీలు విలువైన సూచనలను అందించాయని, ప్రభుత్వం వాటిని సానుకూలంగా తీసుకుందన్నారు. పార్లమెంటు సజావుగా పనిచేయాలని, అంతరాయాలను ఎదుర్కోకూడదని ఆయన చెప్పారు.

సమావేశాలు ఎటువంటి ఆటంకాలు లేకుండా సాగేలా ప్రభుత్వం అన్ని పార్టీలతో సంప్రదింపులు కొనసాగిస్తుందని మంత్రి కిరణ్ రిజిజు వెల్లడించారు. ఈ సాయంత్రం జరగనున్న బిజినెస్ అడ్వైజరీ కమిటీ సమావేశాలలో లేవనెత్తిన అంశాలపై చర్చిస్తామన్నారు. కొంతమంది నాయకులు సర్ విషయంలో సభలో గందరగోళం సృష్టించవచ్చని అన్నారు. ప్రతిపక్షం చెప్పేది వినడానికి మేము సిద్ధంగా ఉన్నామని, నేను సానుకూలంగా చెబుతున్నాను. పార్లమెంట్ అందరికీ చెందుతుందని, పార్లమెంటులో ప్రతి అంశాన్ని చర్చించడానికి ఒక పద్ధతి ఉందని ఆయన వెల్లడించారు.

ఈ సమావేశంలో ప్రభుత్వం తరపున రక్షణ మంత్రి రాజ్‌నాథ్ సింగ్, పార్లమెంటరీ వ్యవహారాల మంత్రి కిరణ్ రిజిజు, సహాయ మంత్రి అర్జున్ రామ్ మేఘ్వాల్ పాల్గొన్నారు. ప్రతిపక్షాల తరపున కాంగ్రెస్ నాయకులు గౌరవ్ గొగోయ్, ప్రమోద్ తివారీ, డీఎంకెకు చెందిన టీఆర్ బాలు, టీఎంసికి చెందిన డెరెక్ ఓ బ్రియన్, ఐయుఎంఎల్‌కు చెందిన ఇటి మొహమ్మద్ బషీర్ పాల్గొన్నారు. రాజ్యసభలో పార్టీ అధ్యక్షుడు, సభా నాయకుడిగా బీజేపీ ప్రతినిధిగా కేంద్ర మంత్రి జేపీ నడ్డా హాజరయ్యారు. ఆర్జేడీకి చెందిన మనోజ్ ఝా, ఎస్‌ఏడీకి చెందిన హర్‌సిమ్రత్ కౌర్ బాదల్, జేడీ(యు)కి చెందిన సంజయ్ ఝా ఇతర సభ్యులుగా ఉన్నారు.