సమగ్ర కుటుంబ సర్వేలో భాగస్వాములు కావాలి

చర్లపల్లి డివిజన్ రెడ్డి కాలనీలో సమగ్ర కుటుంబ సర్వేన ప్రారంభించిన జిహెచ్ఎంసి జోనల్ కమిషనర్ హేమంత్ కేశవ్ పటేల్, కార్పొరేషన్ బొంతు శ్రీదేవి

కాప్రా (విజయక్రాంతి): రాష్ట్ర ప్రభుత్వం ప్రతిష్టాత్మకంగా చేపట్టిన సమగ్ర కుటుంబ సర్వేలో ప్రతి ఒక్కరు భాగస్వాములు కావాలని జిహెచ్ఎంసి జోనల్ కమిషనర్ హేమంత్ కేశవ పటేల్ చర్లపల్లి డివిజన్ కార్పొరేటర్ బొంతు శ్రీదేవిలు పేర్కొన్నారు. చర్లపల్లి డివిజన్ పరిధిలోని రెడ్డి కాలనీలో సమగ్ర కుటుంబ సర్వేను వారు కాప్రా సర్కిల్ డిప్యూటీ కమిషనర్ జగన్ తో కలిసి ప్రారంభించారు. ఈ సందర్భంగా వారు మాట్లాడుతూ.. సర్వేలో భాగంగా  ఇంటికి వచ్చే అధికారులకు తమ పూర్తి సమాచారం అందించాలని వారు సూచించారు. సర్వేలో భాగంగా ఇంటికి వచ్చే వారు తప్పులు లేకుండా వివరాలను నమోదు చేయాలని, సర్వే చేసి ఇంటికి స్టిక్కర్ వేయాలన్నారు. ఈ కార్యక్రమంలో వివిధ విభాగాలకు చెందిన సర్కిల్ అధికారులు, నాయకులు తదితరులు పాల్గొన్నారు.