డి.ఎస్.పి శివరాంరెడ్డి

నకిరేకల్ (విజయక్రాంతి): పోలీస్ శాఖలో పనిచేసే ప్రతి ఉద్యోగి ప్రజల సమస్యలను పరిష్కరిస్తూ బాధ్యతగా విధులను నిర్వర్తించాలని నల్గొండ డీఎస్పీ శివరాంరెడ్డి అన్నారు. ఆదివారం కట్టంగూర్ పోలీస్టేషన్ ను ఆయన ఆకస్మికంగా తనిఖీ చేశారు. ఈ సందర్భంగా మండలానికి సంబంధించిన పలు రికార్డులను, పరిశీలించారు. ఈ సందర్భంగా ఆయన మాట్లాడుతూ మాదకద్రవ్యాలు, అక్రమ ఇసుక రవాణా, పిడిఎస్ బియ్యం సరఫరా చేసేవారిపై అప్రమత్తం ఉండి కఠిన చర్యలు తీసుకోవాలన్నారు. పెట్రోలింగ్ సమయంలో రౌడీ షీటర్ల పై నిరంతర నిఘా, స్టేషన్ పరిధిలో సీసీటీవీ పర్యవేక్షణను మరింత విస్తరించాలని ఆయన సూచించారు.

రోడ్డు ప్రమాదాలు తగ్గించేందుకు డ్రంక్ అండ్ డ్రైవ్, ఓవర్ లోడింగ్ ,వేగం అతిక్రమణపై ప్రత్యేక డ్రైవ్ లను కొనసాగించాలని ఆయన సూచించారు . గ్రామ పోలీస్ అధికారులు ప్రజలకు నిరంతరం అందుబాటులో ఉండి  సేవలను సమర్ధవంతంగా అందించాలని సూచించారు. అనంతరం సిబ్బందితో మాట్లాడి వారి సమస్యలను అడిగి తెలుసుకున్నారు విధుల్లో ఉత్తమ సేవలు అందిస్తున్న సిబ్బందిని శాలువాతో ఆయన సత్కరించి అభినందించారు. పోలీసు స్టేషన్ ప్రాంగణంలో ఆయన మొక్కలును నాటారు. ఈ కార్యక్రమంలో శాలిగౌరారం సిఐ కొండల్ రెడ్డి కట్టంగూర్ ఎస్సై మునుగోటి రవీందర్ సిబ్బంది తదితరులు పాల్గొన్నారు.