నిజాంసాగర్ (విజయక్రాంతి): కామారెడ్డి జిల్లా నిజాం సాగర్ ప్రాజెక్ట్ పరిసర ప్రాంతాలైన 12 గేట్ల వద్ద ఆదివారం అడవిలో పేకాట ఆడుతున్న 9 మందిని పట్టుకున్నట్లు ఎస్సై శివకుమార్(SI Sivakumar) తెలిపారు. నిజామాబాద్ జిల్లాలోని కోటగిరి మండలానికి చెందిన 9 మంది వ్యక్తులు పేకాట ఆడుతూ పట్టుబడినట్లు నిజాంసాగర్ ఎస్సై శివకుమార్ తెలిపారు. వారి వద్ద నుండి రూ.40,990/- రూపాయలు, 7 సెల్ ఫోన్లు, AP29AA1760 నంబర్ గల ఒక చేవ్రొలెట్ తవేరా వాహనాన్ని స్వాధీనం చేసుకుని కేసు నమోదు చేసినట్లు ఆయన తెలిపారు. పేకాట ఆడుతున్నారని సమాచారం మేరకు తమ సిబ్బందితో వెళ్లి దాడి చేయగా 9 మంది పేకాట ఆడుతూ పట్టుబడినట్లు తెలిపారు.