అభివృద్ధి పనుల నేపథ్యంలో విద్యుత్ సరఫరాకు అంతరాయం

బోధన్,(విజయక్రాంతి): బోధన్ పట్టణంలో అభివృద్ధి పనుల నిర్వహణలో భాగంగా మంగళవారం పలు ప్రాంతాల్లో విద్యుత్ సరఫరాకు తాత్కాలిక అంతరాయం ఏర్పడనుంది. మధ్యాహ్నం 3 గంటల నుంచి సాయంత్రం 5 గంటల వరకు విద్యుత్ సరఫరా నిలిచిపోతుందని బోధన్ టౌన్-1 ఏఈ నాయిని కృష్ణ తెలిపారు. షర్బతి కెనాల్, సరస్వతి నగర్, గవర్నమెంట్ హాస్పిటల్ ఏరియా, శివాలయం టెంపుల్ ఏరియా, ఓల్డ్ బస్టాండ్, మార్కెట్ రోడ్డు, అంబేద్కర్ చౌరస్తా, కోర్టు ఏరియా, విశ్వేశ్వరయ్య పార్క్ పరిసర ప్రాంతాల్లో విద్యుత్ సరఫరాలో అంతరాయం ఉంటుందని పేర్కొన్నారు. విద్యుత్ వినియోగదారులు ఈ విషయాన్ని గమనించి శాఖకు సహకరించాలని ఆయన విజ్ఞప్తి చేశారు.