హైదరాబాద్: ఫోన్ ట్యాపింగ్ కేసులో స్పెషల్ ఇంటెలిజెన్స్ బ్యూరో(Special Intelligence Bureau) మాజీ చీఫ్ టి. ప్రభాకర్ రావు మరోసారి సిట్ విచారణకు హాజరయ్యారు. జూబ్లీహిల్స్ పోలీస్ స్టేషన్ లో ప్రభాకర్ రావు ఐదో విడత విచారణకు హాజరయ్యారు. నిన్న ఎనిమిదిన్నర గంటల పాటు ప్రభాకర్ రావును(Former SIB Chief T Prabhakar Rao) సిట్ విచారించింది.  ఫోన్ ట్యాపింగ్ కేసులో ప్రధాన నిందితుడిగా ఉన్న రావు, 15 నెలలకు పైగా అమెరికాలో గడిపిన తర్వాత జూన్ 8న హైదరాబాద్‌కు తిరిగి వచ్చాడు. జూన్ 11న రావు వెస్ట్ జోన్ పోలీసుల ముందు విచారణకు హాజరయ్యారు.  2024 మార్చిలో పంజాగుట్ట పోలీస్ స్టేషన్‌లో అతనిపై కేసు నమోదైన తర్వాత రావు విచారణ నుండి తప్పించుకుంటున్నాడు. ఫోన్‌ ట్యాపింగ్‌ కేసులో ఇవాళ కీలక పరిణామం చోటుచేసుకుంది. ప్రభాకర్‌ రావుపై సిట్‌ సుప్రీం కోర్టుకు(Supreme Court) వెళ్లనుంది. ప్రభాకర్‌రావుకు వెసులుబాటు రద్దు చేయమని కోరే అవకాశం ఉంది. కస్టోడియల్‌ ఎంక్వయిరీ అనుమతించాలని సిట్ సుప్రీంకోర్టను కోరే అవకాశముంది.