నాగిరెడ్డిపేట్,(విజయక్రాంతి): కామారెడ్డి జిల్లా నాగిరెడ్డిపేట మండలంలోని గోపాల్పేట్ గ్రామంలో గల కేరళ స్కూల్ను ఇండియన్ నేషనల్ హ్యూమన్ రైట్స్ ప్రొటెక్షన్ కౌన్సిల్ చైర్మన్ నవోదయ సిద్ధార్థ శనివారం సందర్శించారు. ఈ సందర్భంగా కేరళ స్కూల్ యాజమాన్యం, ప్రిన్సిపాల్ నిర్మల జిమ్మీ విద్యార్థులతో కలిసి ఘనంగా స్వాగతం పలికారు. ఈ సందర్భంగా ఇండియన్ నేషనల్ హ్యూమన్ ప్రొటెక్షన్ కౌన్సిల్ చైర్మన్ నవోదయ సిద్ధార్థ మాట్లాడుతూ... స్కూల్లో చదువుతున్న విద్యార్థులు అందరూ కలిసికట్టుగా సోదర భావంతో మెలిగి ఉండాలన్నారు.

మంచిగా చదువుకొని సమాజంలో పెద్ద స్థాయికి ఎదగాలని, ఈ ప్రపంచంలో చదువు ఒకటే అజ్ఞానాన్ని తొలగిస్తుందని తెలిపారు.పెద్దలను టీచర్లను గౌరవించి సరైన మార్గంలో నడవాలన్నారు. ఈ కార్యక్రమంలో రాష్ట్ర వర్కింగ్ ప్రెసిడెంట్ మోహన్ రావు, కామారెడ్డి జిల్లా అధ్యక్షులు బోరాంచ సాయిలు, మేడ్చల్ జిల్లా అధ్యక్షులు బోరాన్ బాబురావు, మేడ్చల్ జిల్లా కార్యదర్శి వికాస్, గ్రేటర్ హైదరాబాద్ సెక్రెటరీ మణికుమార్ నాయుడు తదితరులు ఉన్నారు.