ఉప్పల్,(విజయక్రాంతి): తెలంగాణ రాష్ట్ర యువజన విభాగం రాష్ట్ర నాయకులు రేగళ్ళ సతీష్ రెడ్డి పుట్టినరోజు వేడుకలను ఆయన తన నివాసం వద్ద పారిశుద్ధ కార్మికులకుతో నిర్వహించుకున్నారు. ఈ సందర్భంగా బిఆర్ఎస్ వర్కింగ్ ప్రెసిడెంట్ మాజీ మంత్రిలు కల్వకుంట్ల రామారావు, తన్నీరు హరీష్ రావుని కలిసి వారి ఆశీర్వాదం తీసుకున్నారు. అనంతరం ఉప్పల్ శాసనసభ్యులు బండారి లక్ష్మారెడ్డి చేతుల మీదుగా కాప్రా సర్కిల్ మున్సిపల్ పారిశుద్ధ కార్మికులకు బట్టల పంపిణీ చేశారు.

ఈ సందర్భంగా ఎమ్మెల్యే మాట్లాడుతూ... గత 16 సంవత్సరములుగా తన పుట్టినరోజు సందర్భంగా పరిశుద్ధ కార్మికులకు బట్టలు ఇచ్చి భోజనాలు పెట్టి వారితో కలసి పుట్టినరోజు జరుపుకోవడం చాలా ఆనందంగా ఉంది అని అన్నారు. ఈ కార్యక్రమంలో ముఖ్య అతిధులు అడిషనల్ డీసీపీ వెంకటరమణ, కుషాయిగూడ ఇన్స్పెక్టర్ భాస్కర్ రెడ్డి, ఎస్సై సతీష్ మాజీ కార్పొరేటర్ పావని రెడ్డి మరియు  పార్టీ నాయకులు కాలనీ అధ్యక్ష కార్యదర్శులు, యువ సంఘాలు, నాయకులు పాల్గొని శుభాకాంక్షలు తెలియజేశారు.