వనస్థలిపురంలో ఘోర రోడ్డు ప్రమాదం

హైదరాబాద్: వనస్థలిపురం పోలీస్ స్టేషన్(Vanasthalipuram Police Station) పరిధిలోని ఆటోనగర్‌లో శనివారం రోడ్డు ప్రమాదం జరిగింది. వేగంగా దూసుకొచ్చిన కారు రోడ్డు డివైడర్‌ను ఢీకొట్టి బోల్తా పడటంతో ఇద్దరు వ్యక్తులు గాయపడ్డారు. వనస్థలిపురం నుండి ఆటోనగర్(Vanasthalipuram to Autonagar) వైపు వెళ్తున్న కారును డ్రైవర్ అధిక వేగంతో నడిపి రోడ్డు డివైడర్‌ను ఢీకొట్టడంతో అది బోల్తా పడిందని పోలీసులు తెలిపారు. ఆ వెంటనే, వెనుక నుండి వచ్చిన టెంపో బోల్తా పడిన ఆ కారును ఢీకొట్టింది. ఈ ప్రమాదంలో కారులో ప్రయాణిస్తున్న నలుగురిలో ఇద్దరికి గాయాలయ్యాయి. స్థానికుల సమాచారంతో ఘటనాస్థలికి చేరుకున్న పోలీసులు గాయపడిన వారిని చికిత్స కోసం సమీపంలోని ఆసుపత్రికి తరలించారు. ఈ ఘటనపై కేసు నమోదు చేసుకుని రోడ్డుపై నుంచి కారును క్రేన్ సహాయంతో తొలగించారు.